ਡੈਲਟਾ ਵਿੱਚ ਦੋ ਵਾਹਨਾਂ ਦੀ ਟੱਕਰ ਵਿੱਚ ਇੱਕ ਵਿਅਕਤੀ ਦੀ ਮੌਤ, ਪੰਜ ਜ਼ਖਮੀ

ਡੈਲਟਾ ਵਿਚ ਸ਼ਨੀਵਾਰ ਦੁਪਹਿਰ ਨੂੰ ਦੋ ਗੱਡੀਆਂ ਵਿਚਾਲੇ ਟੱਕਰ ਵਿਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਅਤੇ ਪੰਜ ਹੋਰ ਜ਼ਖਮੀ ਹੋ ਗਏ। ਪੁਲਿਸ ਮੁਤਾਬਕ, ਦੁਪਹਿਰ ਕਰੀਬ ਤਿੰਨ ਵਜੇ ਉਨ੍ਹਾਂ ਨੂੰ 118th ਸਟ੍ਰੀਟ ਅਤੇ 75A ਐਵੇਨਿਊ ਦੇ ਇੰਟਰਸੈਕਸ਼ਨ 'ਤੇ ਟੱਕਰ ਦੀ ਰਿਪੋਰਟ ਮਿਲੀ।

ਸਟਾਫ ਸਾਰਜੈਂਟ ਮਾਈਕ ਵਾਈਟਲੀ ਨੇ ਪ੍ਰੈੱਸ ਰਿਲੀਜ਼ ਵਿਚ ਦੱਸਿਆ ਕਿ ਇੱਕ ਗੱਡੀ ਦੇ ਡਰਾਈਵਰ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ ਅਤੇ ਕਈ ਹੋਰ ਜ਼ਖਮੀਆਂ ਨੂੰ ਗੰਭੀਰ ਹਾਲਤ ਵਿਚ ਇਲਾਜ ਲਈ ਹਸਪਤਾਲ ਦਾਖਲ ਕਰਵਾਇਆ ਗਿਆ। ਘਟਨਾ ਵਾਲੀ ਥਾਂ ਤੋਂ ਸਾਹਮਣੇ ਆਈ ਵੀਡੀਓ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਇੱਕ ਗੱਡੀ ਟੱਕਰ ਤੋਂ ਬਾਅਦ ਦਰੱਖਤ ਕੋਲ ਨੁਕਸਾਨੀ ਖੜੀ ਸੀ ਅਤੇ ਦੂਜੀ ਗੱਡੀ ਫੈਨਸ ਤੋੜਦੇ ਹੋਏ ਇੱਕ ਘਰ ਦੇ ਯਾਰਡ ਵਿਚ ਜਾ ਵੜੀ।

ਇਸ ਮੌਕੇ ਸੜਕ 'ਤੇ ਇੱਕ ਸਟ੍ਰੀਟ ਸਾਈਨ ਅਤੇ ਫਾਇਰ hydrant ਵੀ ਆਪਣੀ ਜਗ੍ਹਾ ਤੋਂ ਉਖੜੇ ਹੋਏ ਦੇਖੇ ਗਏ। ਬੀ.ਸੀ.ਐਮਰਜੈਂਸੀ ਹੈਲਥ ਸਰਵਿਸ ਮੁਤਾਬਕ, ਹਸਪਤਾਲ ਲਿਜਾਣ ਸਮੇਂ ਦੋ ਲੋਕਾਂ ਦੀ ਹਾਲਤ ਨਾਜ਼ੁਕ ਸੀ, ਜਦੋਂ ਕਿ ਤਿੰਨ ਹੋਰ ਵੀ ਗੰਭਰ ਪਰ ਸਥਿਰ ਹਾਲਤ ਵਿਚ ਸਨ।