14.38C Vancouver 14.38C VancouverMar 12, 2021 6:35 PM -
ਫਾਈਜ਼ਰ ਵੱਲੋਂ ਗਰੰਟੀ ਦਿੱਤੀ ਜਾ ਰਹੀ ਹੈ ਕਿ 22 ਮਾਰਚ ਤੋਂ ਸ਼ੁਰੂ ਹੋ ਕੇ 10 ਮਈ ਤਕ ਹਰ ਹਫ਼ਤੇ ਕੈਨੇਡਾ 'ਚ ਕੋਵਿਡ-19 ਵੈਕਸੀਨ ਦੀਆਂ ਘਟੋ-ਘੱਟ ਇੱਕ ਮਿਲੀਅਨ ਡੋਜ਼ ਪਹੁੰਚਾਈਆਂ ਜਾਣਗੀਆਂ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੱਸਿਆ ਕਿ ਫਾਈਜ਼ਰ-ਬਾਇਓਐਨਟੈਕ ਦੀਆਂ ਹਰ ਹਫ਼ਤੇ ਇੱਕ-ਇੱਕ ਮਿਲੀਅਨ ਖੁਰਾਕਾਂ ਪਹੁੰਚਣ ਨਾਲ ਵੱਡਾ ਫਰਕ ਪਵੇਗਾ।
ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਸੂਬਿਆਂ ਅਤੇ ਟੈਰੀਟਰੀਸ ਨੂੰ ਇਸ ਦੀ ਜਾਣਕਾਰੀ ਪਹੁੰਚਾ ਦਿੱਤੀ ਹੈ ਤਾਂ ਜੋ ਮਾਸ ਵੈਕਸੀਨੇਸ਼ਨ ਸਾਈਟਸ 'ਤੇ ਉਸੇ ਅਨੁਸਾਰ ਪਲੈਨਿੰਗ ਕੀਤੀ ਜਾ ਸਕੇ।
ਟਰੂਡੋ ਨੇ ਕਿਹਾ ਕਿ ਸਰਕਾਰ ਦਾ ਧਿਆਨ ਇਸੇ 'ਤੇ ਕੇਂਦਰਿਤ ਹੈ ਕਿ ਕਿਸੇ ਦੀ ਵੈਕਸੀਨ ਛੁੱਟ ਨਾ ਜਾਵੇ ਅਤੇ ਇਸ 'ਚ ਇੰਡੀਜਨਸ ਭਾਈਚਾਰੇ ਵੀ ਸ਼ਾਮਿਲ ਹਨ।
ਟਰੂਡੋ ਨੇ ਦੱਸਿਆ ਕਿ ਫਾਈਜ਼ਰ ਨੇ ਨਵੀਂ ਡਿਲੀਵਰੀ ਸਮੇਂ ਸੀਮਾ ਸਾਂਝੀ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਸਮਾਂ ਲੱਗ ਰਿਹਾ ਹੈ ਪਰ ਹਰ ਲੰਘਦੇ ਦਿਨ ਨਾਲ ਉਮੀਦਾਂ ਵਧਦੀਆਂ ਜਾ ਰਹੀਆਂ ਹਨ।
