11.85C Vancouver 11.85C VancouverMay 26, 2022 10:32 PM - The Canadian Press
ਸਿਟੀ ਆਫ ਕੈਮਲੂਪਸ ਦਾ ਕਹਿਣਾ ਹੈ ਕਿ ਸ਼ਹਿਰ 'ਚ ਅਮੋਨੀਆ ਲੀਕ ਦੀ ਘਟਨਾ 'ਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਬੀ.ਸੀ. ਐਮਰਜੈਂਸੀ ਹੈਲਥ ਸਰਵਿਸਿਸ ਦਾ ਕਹਿਣਾ ਸੀ ਕਿ ਘਟਨਾ ਮੌਕੇ ਤੋਂ 3 ਲੋਕਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਘਟਨਾ ਤੋਂ ਬਾਅਦ 6 ਲੋਕਾਂ ਨੂੰ ਮੌਕੇ 'ਤੇ ਇਲਾਜ ਪ੍ਰਦਾਨ ਕੀਤਾ ਗਿਆ ਸੀ।
ਇਸ ਤੋਂ ਪਹਿਲਾਂ ਬੀ.ਸੀ. ਐਮਰਜੈਂਸੀ ਹੈਲਥ ਸਰਵਿਸਿਸ ਦੀ ਇੱਕ ਬੁਲਾਰੀ ਦਾ ਕਹਿਣਾ ਸੀ ਕਿ ਇੱਕ ਵਿਅਕਤੀ ਦੀ ਹਾਲਤ ਬੇਹੱਦ ਨਾਜੁਕ ਸੀ।
ਸਿਟੀ ਆਫ ਕੈਮਲੂਪਸ ਦਾ ਕਹਿਣਾ ਸੀ ਕਿ ਮਾਊਂਟ ਪੌਲ ਇੰਡਸਟਰੀਅਲ ਪਾਰਕ ਦੇ ਕੋਲ 790 ਈਸਟ ਸਾਰਕੀ ਸਟ੍ਰੀਟ 'ਤੇ ਲੀਕੇਜ ਦੀ ਜਾਣਕਾਰੀ ਮਿਲੀ ਸੀ।
ਘਟਨਾ ਅੱਜ ਸਵੇਰ ਕਰੀਬ 10.30 ਵਜੇ ਵਾਪਰੀ ਦੱਸੀ ਗਈ ਸੀ। ਸਿਟੀ ਦਾ ਕਹਿਣਾ ਸੀ ਕਿ ਘਟਨਾ ਤੋਂ ਬਾਅਦ ਕਈ ਵਪਾਰਾਂ ਨੂੰ ਵੀ ਖਾਲੀ ਕਰਵਾ ਲਿਆ ਗਿਆ ਸੀ।
ਘਟਨਾ ਤੋਂ ਬਾਅਦ ਕੈਰੀਅਰ ਸਟ੍ਰੀਟ ਅਤੇ ਸਾਰਕੀ ਸਟ੍ਰੀਟ ਨੂੰ ਬੰਦ ਕਰ ਦਿੱਤਾ ਗਿਆ ਸੀ।
ਕੈਮਲੂਪਸ ਆਰ.ਸੀ.ਐਮ.ਪੀ. ਅਫਸਰਾਂ ਨੂੰ ਵੀ ਮੌਕੇ 'ਤੇ ਸੱਦਿਆ ਗਿਆ ਸੀ ਤਾਂ ਜੋ ਇਲਾਕੇ 'ਚ ਟਰੈਫਿਕ ਨੂੰ ਕੰਟਰੋਲ ਕੀਤਾ ਜਾ ਸਕੇ।
ਵਰਕਸੇਫ ਬੀ.ਸੀ. ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ ਕਿ ਆਖਿਰ ਅਮੋਨੀਆ ਲੀਕ ਕਿਵੇਂ ਹੋਇਆ।
ਯਾਦ ਰਹੇ ਸਾਲ 2017 'ਚ ਬੀ.ਸੀ. ਦੇ ਫਰਨੀ ਇਲਾਕੇ 'ਚ ਅਮੋਨੀਆ ਲੀਕ ਕਾਰਨ 3 ਲੋਕਾਂ ਦੀ ਮੌਤ ਹੋ ਗਈ ਸੀ।
