10.94C Vancouver 10.94C VancouverFeb 10, 2021 10:26 PM -
ਬੀ.ਸੀ. 'ਚ ਹੋਪ ਦੇ ਕੋਲ ਵਾਪਰੇ ਇੱਕ ਭਿਆਨਕ ਮਲਟੀ-ਵਾਹਨ ਕ੍ਰੈਸ਼ 'ਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਘਟਨਾ 'ਚ ਅਨੇਕਾਂ ਲੋਕ ਜ਼ਖਮੀ ਹੋਏ ਹਨ।
ਆਰ.ਸੀ.ਐਮ.ਪੀ. ਟ੍ਰੈਫਿਕ ਸਰਵਿਸਿਜ਼ ਦੇ ਕੌਰਪੋਰਲ ਮਾਈਕ ਹੈਲਸਕੌਵ ਦਾ ਕਹਿਣਾ ਸੀ ਕਿ ਘਟਨਾ ਸਵੇਰੇ ਕਰੀਬ 10 ਵਜੇ ਵਾਪਰੀ।
ਇੱਕ ਬਿਆਨ 'ਚ ਦੱਸਿਆ ਗਿਆ ਕਿ ਮਾਮਲੇ ਦੀ ਜਾਂਚ ਅਰੰਭੀ ਜਾ ਰਹੀ ਹੈ ਪਰ ਹਾਲ ਦੀ ਘੜੀ ਸੜਕ ਦੇ ਹਾਲਾਤ ਨੂੰ ਘਟਨਾ ਦਾ ਵੱਡਾ ਕਾਰਨ ਮੰਨਿਆ ਜਾ ਰਿਹਾ ਹੈ।
ਘਟਨਾ ਤੋਂ ਬਾਅਦ ਕੋਕਹਾਲਾ ਵੱਲ ਨੌਰਥਬਾਊਂਡ ਦਿਸ਼ਾ 'ਚ ਆਵਾਜਾਈ ਬੰਦ ਕਰ ਦਿੱਤੀ ਗਈ।
ਅਧਿਕਾਰੀਆਂ ਨੇ ਚਾਲਕਾਂ ਨੂੰ ਇਸ ਇਲਾਕੇ ਦੀ ਯਾਤਰਾ ਦਾ ਪਲੈਨ ਰੱਦ ਕਰਨ ਜਾਂ ਵੱਖਰਾ ਰੂਟ ਲੈਣ ਦੀ ਅਪੀਲ ਕੀਤੀ ਹੈ।
ਜਾਣਕਾਰੀ ਅਨੁਸਾਰ ਮੌਕੇ 'ਤੇ 13 ਐਂਬੂਲੈਂਸ ਅਤੇ 3 ਏਅਰ ਐਂਬੂਲੈਂਸ ਪਹੁੰਚਾਈਆਂ ਗਈਆਂ ਸਨ।
ਘਟੋ-ਘੱਟ 3 ਲੋਕਾਂ ਨੂੰ ਨਾਜ਼ੁਕ ਹਾਲਾਤ 'ਚ ਹਸਪਤਾਲ ਪਹੁੰਚਾਉਣ ਦੀਆਂ ਰਿਪੋਰਟਸ ਹਨ।
