ਨੌਰਥ ਵੈਨਕੂਵਰ 'ਚ ਕੰਸਟ੍ਰਕਸ਼ਨ ਸਾਈਟ 'ਤੇ ਵਾਪਰੀ ਘਟਨਾ 'ਚ ਇੱਕ ਵਿਅਕਤੀ ਦੀ ਮੌਤ; ਇਲਾਕੇ 'ਚ ਆਵਾਜਾਈ ਪ੍ਰਭਾਵਿਤ

ਨੌਰਥ ਵੈਨਕੂਵਰ 'ਚ ਇੱਕ ਇਮਾਰਤ ਦੀ ਰੈਨੋਵੇਸ਼ਨ ਦੌਰਾਨ ਇੱਕ ਘਟਨਾ ਵਾਪਰ ਗਈ ਹੈ।

ਇਸ ਘਟਨਾ ਦਾ ਦੁੱਖਦਾਈ ਨਤੀਜਾ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੰਦੇ ਹੋਏ ਇੱਕ ਵਿਅਕਤੀ ਦੇ ਦਮ ਤੋੜਨ ਬਾਰੇ ਦੱਸਿਆ ਜਾ ਰਿਹਾ ਹੈ।

ਇੱਕ ਵਿਅਕਤੀ ਦੇ ਜਖਮੀ ਹੋਣ ਦੀ ਵੀ ਜਾਣਕਾਰੀ ਦਿੱਤੀ ਜਾ ਰਹੀ ਹੈ।

ਹਾਲਾਂਕਿ ਕੋਰੋਨਰਸ ਆਫਿਸ ਵੱਲੋਂ ਫਿਲਹਾਲ ਮੌਤ ਦੀ ਪੁਸ਼ਟੀ ਕੀਤੇ ਜਾਣਾ ਬਾਕੀ ਹੈ।

ਇਹ ਘਟਨਾ ਸਾਬਕਾ ਅੰਪਾਇਰ ਥੀਏਟਰ ਕੋਲ ਵਾਪਰੀ ਦੱਸੀ ਜਾ ਰਹੀ ਹੈ।

ਆਰ.ਸੀ.ਐਮ.ਪੀ. ਸਾਰਜੈਂਟ ਪੀਟਰ ਡੀਵਰਾਇਸ ਨੇ ਦੱਸਿਆ ਕਿ ਅੱਜ ਸਵੇਰੇ ਕਰੀਬ 9.45 ਵਜੇ ਐਸਪਲਨੇਡ ਅਤੇ ਚੈਸਟਰਫੀਲਡ ਐਵੀਨਿਊ ਦੇ ਕੋਲ ਇਹ ਘਟਨਾ ਰਿਪੋਰਟ ਹੋਈ ਸੀ।

ਇਹ ਵੀ ਦੱਸਿਆ ਗਿਆ ਕਿ ਮ੍ਰਿਤਕ ਵਿਅਕਤੀ ਦਾ ਸ਼ਰੀਰ ਹੁਣ ਤਕ ਰਿਕਵਰ ਨਹੀਂ ਕੀਤਾ ਜਾ ਸਕਿਆ ਹੈ।

ਉਨ੍ਹਾਂ ਦੱਸਿਆ ਕਿ ਮੌਕੇ ਦੇ ਹਾਲਾਤ ਖਤਰਨਾਕ ਹਨ।

ਇਲਾਕੇ 'ਚ ਆਵਾਜਾਈ ਵੀ ਪ੍ਰਭਾਵਿਤ ਹੋਈ ਹੈ ਅਤੇ ਟ੍ਰਾਂਜ਼ਿਟ ਲਈ ਵੀ ਡੀ-ਟੂਰ ਲਗਾਏ ਗਏ ਹਨ।

ਨੌਰਥ ਵੈਨਕੂਵਰ ਪੁਲਿਸ ਦਾ ਟਵੀਟ:

We are sad to report that one person is believed to have died in a construction site collapse this morning in #NorthVancouver. Our thoughts and hearts are with family and friends. https://bit.ly/3jfMc4g