20.1C Vancouver 20.1C VancouverJan 25, 2021 4:34 PM -
ਇੱਕ ਸਾਲ ਪਹਿਲਾਂ ਕੈਨੇਡਾ ਵਿੱਚ ਕੋਵਿਡ-19 ਦਾ ਸਭ ਤੋਂ ਪਹਿਲਾ ਮਾਮਲਾ ਸਾਹਮਣੇ ਆਇਆ ਸੀ।
ਇੱਕ 56 ਸਾਲ ਦਾ ਆਦਮੀ ਟੋਰੌਂਟੋ ਦੇ ਸੰਨੀਬਰੁਕ ਹਸਪਤਾਲ ਵਿੱਚ ਨਿਮੋਨੀਆ ਵਰਗੇ ਹਲਕੇ ਲੱਛਣਾਂ ਨਾਲ ਪਹੁੰਚਿਆ।
ਪੀੜਤ ਵਿਅਕਤੀ ਚੀਨ ਤੋਂ ਸਫ਼ਰ ਕਰਕੇ ਆਇਆ ਸੀ ਅਤੇ ਉਸ ਦੇ ਐਕਸ-ਰੇ ਅਸਾਧਾਰਣ ਪ੍ਰਤੀਤ ਹੋਣ ਕਾਰਨ ਉਸ ਨੂੰ ਦਾਖਲ ਕਰ ਲਿਆ ਗਿਆ।
ਟੈਕਸੀ ਰਾਹੀਂ ਪੀੜਤ ਦੇ ਸੈਂਪਲ ਓਨਟੈਰੀਓ ਦੀ ਪਬਲਿਕ ਹੈਲਥ ਲੈਬੋਰਟਰੀ ਨੂੰ ਭੇਜੇ ਗਏ ਅਤੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਗਈ ਕਿ ਉਹ ਨੋਵਲ ਕਰੋਨਾਵਾਇਰਸ ਤੋਂ ਪੀੜਤ ਹੈ।
ਜਿਥੇ ਮਰੀਜ਼ ਇਲਾਜ ਤੋਂ ਬਾਅਦ ਬਿਲਕੁਲ ਸੇਹਤਮੰਦ ਹੋ ਗਿਆ, ਓਥੇ ਹੀ ਇੱਕ ਸਾਲ ਦੇ ਅੰਦਰ ਕੈਨੇਡਾ ਵਿੱਚ ਕੋਵਿਡ -19 ਕਾਰਨ 19,000 ਤੋਂ ਵੱਧ ਜਾਨਾਂ ਜਾ ਚੁਕੀਆਂ ਹਨ।
ਸਰੀਰਕ, ਮਾਨਸਕ ਅਤੇ ਆਰਥਕ ਤਬਾਹੀ ਤੋਂ ਅਲਾਵਾ ਮਹਾਂਮਾਰੀ ਕਾਰਨ ਸਮਾਜਕ ਉਥਲ ਪੁਥਲ ਸਦਕਾ ਕਨੇਡੀਅਨ ਲੋਕਾਂ ਦੀਆਂ ਜ਼ਿੰਦਗੀਆਂ ਬੁਨਿਆਦੀ ਤੌਰ ‘ਤੇ ਵੀ ਹਮੇਸ਼ਾ ਲਈ ਬਦਲ ਗਈਆਂ ਹਨ।
