16.53C Vancouver 16.53C VancouverSep 17, 2022 12:32 AM - Connect News
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਗਰੁੱਪ ਵਿਚਾਲੇ ਹੋਏ ਝੱਗੜੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਇਸ ਝਗੜੇ ਦੌਰਾਨ ਇੱਕ 13 ਸਾਲਾ ਟੀਨੇਜਰ 'ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ ਗਿਆ।
ਮਾਮਲਾ 15 ਸਿਤੰਬਰ ਯਾਨੀ ਕਿ ਵੀਰਵਾਰ ਦਾ ਦੱਸਿਆ ਗਿਆ ਹੈ।
ਪੁਲਿਸ ਨੂੰ ਸ਼ਾਮ ਕਰੀਬ 6.54 ਵਜੇ 123 ਸਟ੍ਰੀਟ ਦੇ 6400 ਬਲੌਕ 'ਚ ਸੱਦਿਆ ਗਿਆ ਸੀ।
ਮੌਕੇ 'ਤੇ ਪੁਲਿਸ ਨੂੰ ਇੱਕ ਟੀਨੇਜਰ ਚਾਕੂ ਦੇ ਵਾਰ ਕਾਰਨ ਜਖਮੀ ਮਿਲਿਆ।
ਟੀਨੇਜਰ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਇਲਾਕੇ ਵਿੱਚੋਂ ਇੱਕ ਚਾਕੂ ਵੀ ਬਰਾਮਦ ਹੋਇਆ ਹੈ।
ਇਹ ਜਾਂਚ ਹੋਣੀ ਬਾਕੀ ਹੈ ਕਿ ਹਮਲਾ ਇਸੇ ਚਾਕੂ ਨਾਲ ਕੀਤਾ ਗਿਆ ਜਾਂ ਨਹੀਂ।
ਫਰੰਟਲਾਈਨ ਅਫ਼ਸਰ ਭਾਰੀ ਗਿਣਤੀ 'ਚ ਮੌਕੇ 'ਤੇ ਪਹੁੰਚ ਗਏ ਸਨ ਅਤੇ ਲੋਅਰ ਮੇਨਲੈਂਡ ਇੰਟੈਗ੍ਰੇਟਿਡ ਪੁਲਿਸ ਡੌਗ ਸਰਵਿਸ ਨੂੰ ਵੀ ਸ਼ੱਕੀਆਂ ਦੀ ਭਾਲ ਲਈ ਸੱਦਿਆ ਗਿਆ ਸੀ, ਪਰ ਕੋਈ ਸ਼ੱਕੀ ਹੱਥ ਨਹੀਂ ਲੱਗਿਆ।
ਪੁਲਿਸ ਕੋਲ ਹਾਲ ਦੀ ਘੜੀ ਪਹੁੰਚੀ ਜਾਣਕਾਰੀ ਅਨੁਸਾਰ ਕੁਝ ਬੱਚੇ ਬਾਸਕਿਟਬਾਲ ਖੇਡ ਰਹੇ ਸਨ ਅਤੇ ਪਟਾਕੇ ਚਲਾ ਰਹੇ ਸਨ।
ਇਸੇ ਦੌਰਾਨ 2 ਹੋਰ ਲੜਕਿਆਂ ਨਾਲ ਇਸ ਗਰੁੱਪ ਦੀ ਬਹਿਸ ਹੋਈ ਤੇ ਬਾਅਦ 'ਚ ਹਮਲਾ ਕਰ ਦਿੱਤਾ ਗਿਆ।
ਮੌਕੇ ਤੋਂ ਦੌੜ ਨਿਕਲੇ 2 ਸ਼ੱਕੀ ਟੀਨੇਜਰਸ ਦੀ ਉਮਰ 15 ਤੋਂ 17 ਸਾਲ ਦੱਸੀ ਗਈ ਹੈ ਅਤੇ ਦੋਵਾਂ ਨੂੰ ਦੱਖਣ ਏਸ਼ੀਆਈ ਮੂਲ ਦਾ ਵਿਅਕਤੀ ਦੱਸਿਆ ਗਿਆ ਹੈ।
