17.51C Vancouver 17.51C VancouverDec 30, 2024 3:25 PM - The Canadian Press
ਬੀ. ਸੀ. ਵਿਚ ਆਨਲਾਈਨ ਬਾਲ ਸ਼ੋਸ਼ਣ ਦੇ ਮਾਮਲਿਆਂ ਵਿਚ 2021 ਤੋਂ 2023 ਤੱਕ 4 ਗੁਣਾ ਵਾਧਾ ਦਰਜ ਕੀਤਾ ਗਿਆ ਹੈ। ਬੀ. ਸੀ. ਆਰ.ਸੀ.ਐਮ.ਪੀ. ਦੀ ਏਕੀਕ੍ਰਿਤ ਬਾਲ ਸ਼ੋਸ਼ਣ ਯੂਨਿਟ ਦੇ ਇੱਕ ਅਧਿਕਾਰੀ ਨੇ ਕਿਹਾ ਕਿ ਬੱਚਿਆਂ ਨੂੰ ਆਨਲਾਈਨ ਨਿਸ਼ਾਨਾ ਬਣਾਉਣ ਦੇ ਮਾਮਲਿਆਂ ਵਿਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ, ਕਾਂਸਟੇਬਲ ਸੋਲਨਾ ਪਰੇ ਮੁਤਾਬਕ, ਸੂਬੇ ਵਿਚ 2021 ਵਿਚ ਬਾਲ ਸ਼ੋਸ਼ਣ ਦੇ ਲਗਭਗ 4,600 ਮਾਮਲੇ ਸਨ, ਜੋ 2022 ਵਿਚ 9,600 ਹੋ ਗਏ ਅਤੇ ਪਿਛਲੇ ਸਾਲ 15,920 ਮਾਮਲੇ ਦਰਜ ਕੀਤੇ ਗਏ।
ਕਾਂਸਟੇਬਲ ਪਰੇ ਨੇ ਕਿਹਾ ਕਿ ਸੋਸ਼ਲ ਮੀਡੀਆ ਸਾਈਟਸ ਦਾ ਇਸਤੇਮਾਲ ਘੱਟ ਉਮਰ ਦੇ ਬੱਚਿਆਂ ਵਲੋਂ ਵੱਧ ਰਿਹਾ ਹੈ, ਜਿਸ ਨਾਲ ਅਪਰਾਧੀਆਂ ਨੂੰ ਉਨ੍ਹਾਂ ਨਾਲ ਜੁੜਨ ਦਾ ਮੌਕਾ ਮਿਲ ਰਿਹਾ ਹੈ।
ਇਹ ਮਾਮਲੇ ਕੈਨੇਡਾ ਵਿਚ ਰਾਸ਼ਟਰੀ ਪੱਧਰ ’ਤੇ ਵਧ ਰਹੇ ਹਨ, ਆਰ.ਸੀ.ਐਮ.ਪੀ. ਦੇ ਰਾਸ਼ਟਰੀ ਬਾਲ ਸ਼ੋਸ਼ਣ ਅਪਰਾਧ ਕੇਂਦਰ ਦਾ ਕਹਿਣਾ ਹੈ ਕਿ ਉਸ ਨੇ 1 ਅਪ੍ਰੈਲ , 2023, ਤੋਂ 31 ਮਾਰਚ, 2024 ਤੱਕ ਆਨਲਾਈਨ ਬਾਲ ਜਿਨਸੀ ਸ਼ੋਸ਼ਣ ਦੇ 118,162 ਮਾਮਲੇ ਰਿਪੋਰਟ ਕੀਤੇ ਹਨ।
