12.48C Vancouver 12.48C VancouverSep 1, 2023 8:00 PM -
ਕਨੇਡਾ ਫੈਡਰਲ ਸਰਕਾਰ ਨੇ ਆਪਣੇ ਔਨਲਾਈਨ ਨਿਊਜ਼ ਐਕਟ ਲਈ ਡਰਾਫਟ ਨਿਯਮਾਂ ਨੂੰ ਜਾਰੀ ਕੀਤਾ ਹੈ ਤੇ ਇੱਕ ਨਵੀਂ ਛੋਟ ਦਿੱਤੀ ਹੈ ਜੋ ਮੇਟਾ ਅਤੇ ਗੂਗਲ ਨੂੰ ਨਿਊਜ਼ ਆਊਟਲੇਟਸ ਦੇ ਇੱਕ ਗਰੁੱਪ ਨੂੰ ਇੱਕ ਨਿਸ਼ਚਿਤ ਰਕਮ ਦਾ ਭੁਗਤਾਨ ਕਰਨ ਦੀ ਇਜਾਜ਼ਤ ਦੇਣਗੇ।
ਗੂਗਲ ਲਈ ਇਹ ਅੰਕੜਾ $172 ਮਿਲੀਅਨ ਪ੍ਰਤੀ ਸਾਲ ਹੈ ਤੇ ਫੇਸਬੁੱਕ ਦੀ ਮੂਲ ਕੰਪਨੀ ਲਈ ਇਹ $62 ਮਿਲੀਅਨ ਹੈ। ਇਸ ਨਵੇਂ ਡਰਾਫਟ ਨਿਯਮਾਂ ਤਹਿਤ ਇਹ ਰਾਹਤ ਦਿੱਤੀ ਗਈ ਹੈ ਕਿ ਸਾਰੇ ਮੇਜਰ ਨਿਊਜ਼ ਆਊਟਲੇਟਸ ਨਾਲ ਡੀਲ ਕਰਨ ਦੀ ਬਜਾਏ ਤਕਨੀਕੀ ਦਿੱਗਜਾਂ ਕੋਲ ਹੁਣ ਇੱਕ ਸਮੂਹਿਕ ਗਰੁੱਪ ਨਾਲ ਡੀਲ ਕਰਨ ਦਾ ਵਿਕਲਪ ਹੈ। ਜਿਸ ਵਿੱਚ ਇੰਡੀਪੈਂਡੈਂਟ ਅਤੇ ਮਿਨੋਰਿਟੀ ਲੈਂਗੂਏਜ ਦੇ ਆਉਟਲੈਟ ਸ਼ਾਮਲ ਹੋਣਗੇ।
ਜ਼ਿਕਰਯੋਗ ਹੈ ਕਿ ਬਿੱਲ ਸੀ-18 ਨੂੰ ਇਸ ਸਾਲ ਦੇ ਜੂਨ ਵਿੱਚ ਰਾਇਲ ਮਨਜ਼ੂਰੀ ਮਿਲੀ ਸੀ।ਇਸਦਾ ਉਦੇਸ਼ ਗੂਗਲ ਅਤੇ ਮੈਟਾ ਵਰਗੇ ਵੱਡੇ ਟੈੱਕ ਕਾਰਪੋਰੇਸ਼ਨਸ ਨੂੰ ਉਹਨਾਂ ਦੇ ਕੰਟੈਂਟ ਨੂੰ ਔਨਲਾਈਨ ਸਾਂਝਾ ਕਰਨ ਲਈ ਕੈਨੇਡੀਅਨ ਨਿਊਜ਼ ਆਊਟਲੇਟਸ ਨੂੰ ਭੁਗਤਾਨ ਕਰਨਾ ਹੈ। ਫ਼ੇਸਬੁੱਕ ਅਤੇ ਇੰਸਟਾਗ੍ਰਾਮ ਦੀ ਮਾਲਕ ਕੰਪਨੀ ਮੈਟਾ ਨੇ ਹਾਲ ਹੀ ਵਿਚ ਐਲਾਨ ਕੀਤਾ ਸੀ ਕਿ ਕੈਨੇਡਾ ਦੇ ਔਨਲਾਈਨ ਨਿਊਜ਼ ਐਕਟ ਦੇ ਜਵਾਬ ਵਿਚ ਕੰਪਨੀ ਕੈਨੇਡੀਅਨ ਯੂਜ਼ਰਾਂ ਲਈ ਆਪਣੇ ਪਲੇਟਫ਼ਾਰਮਾਂ ਤੋਂ ਨਿਊਜ਼ ਸਮੱਗਰੀ ਦੀ ਉਪਲਬਧਤਾ ਪੱਕੇ ਤੌਰ ‘ਤੇ ਖ਼ਤਮ ਕਰ ਰਹੀ ਹੈ।
