24.24C Vancouver 24.24C VancouverDec 15, 2023 5:17 PM - The Canadian Press
ਫੈਡਰਲ ਸਰਕਾਰ ਦਾ ਔਨਲਾਈਨ ਨਿਊਜ਼ ਐਕਟ ਫਿਰ ਤੋਂ ਚਰਚਾ ਵਿੱਚ ਹੈ। ਇਸ ਐਕਟ ਰਾਹੀਂ ਪ੍ਰਾਈਵੇਟ ਪ੍ਰਸਾਰਕਾਂ ਲਈ ਗੂਗਲ ਵੱਲੋਂ ਮਿਲਣ ਵਾਲੇ ਕੁੱਲ $100-ਮਿਲੀਅਨ ਵਿੱਚ ਉਨ੍ਹਾਂ ਦੀ ਹਿੱਸੇਦਾਰੀ ਤੈਅ ਕਰ ਦਿੱਤੀ ਗਈ ਹੈ। ਲਗਭਗ ਦੋ ਤਿਹਾਈ ਫੰਡਿੰਗ ਪ੍ਰਿੰਟ ਮੀਡੀਆ ਨੂੰ ਜਾਵੇਗੀ।
ਪਿਛਲੇ ਮਹੀਨੇ ਟਰੂਡੋ ਸਰਕਾਰ ਨੇ ਗੂਗਲ ਦੀ ਡੀਲ ਨੂੰ ਸਹਿਮਤੀ ਦਿੱਤੀ ਸੀ, ਜਿਸ ਵਿੱਚ ਇਹ ਤੈਅ ਹੋਇਆ ਸੀ ਗੂਗਲ ਲੋਕਲ ਖਬਰਾਂ ਦੇ ਭੁਗਤਾਨ ਵਿੱਚ ਹਰ ਸਾਲ ਕੈਨੇਡੀਅਨ ਨਿਊਜ਼ ਇੰਡਸਟਰੀ ਨੂੰ ਕੁੱਲ $100 ਮਿਲੀਅਨ ਦੇਵੇਗਾ। ਇਹ ਡੀਲ ਉਦੋਂ ਹੋਈ ਸੀ ਜਦੋਂ ਗੂਗਲ ਨੇ ਮੇਟਾ ਦੀ ਤਰ੍ਹਾਂ ਲੋਕਲ ਖਬਰਾਂ ਦੇ ਲਿੰਕ ਹਟਾਉਣ ਦੀ ਧਮਕੀ ਦਿੱਤੀ ਸੀ।
ਜਾਣਕਾਰੀ ਮੁਤਾਬਕ ਸਰਕਾਰ ਨੇ ਫੁੱਲ ਟਾਈਮ ਪੱਤਰਕਾਰਾਂ ਦੀ ਗਿਣਤੀ ਦੇ ਹਿਸਾਬ ਨਾਲ ਫਾਰਮੂਲਾ ਤੈਅ ਕੀਤਾ ਹੈ, ਜਿਸ ਨਾਲ ਛੋਟੇ ਸਥਾਨਕ ਅਖਬਾਰ ਨੂੰ ਸਭ ਤੋਂ ਘੱਟ ਫੰਡ ਮਿਲਣ ਦੀ ਸੰਭਾਵਨਾ ਹੈ। ਗੂਗਲ ਨੂੰ ਫੰਡਿੰਗ ਦੇ ਭੁਗਤਾਨ ਲਈ ਵੱਖ-ਵੱਖ ਮੀਡੀਆ ਨਾਲ ਡੀਲ ਕਰਨ ਦੀ ਬਜਾਏ ਸਿੰਗਲ ਸਮੂਹਿਕ ਨਿਊਜ਼ ਗਰੁੱਪ ਨਾਲ ਸਮਝੌਤਾ ਕਰਨ ਦੀ ਛੋਟ ਦਿੱਤੀ ਗਈ ਹੈ।
ਔਨਲਾਈਨ ਨਿਊਜ਼ ਐਕਟ ਜਿਸ ਨੂੰ Bill C-18 ਵੀ ਕਿਹਾ ਜਾਂਦਾ ਹੈ, ਉਸ ਨੂੰ ਸ਼ਾਹੀ ਮਨਜ਼ੂਰੀ ਜੂਨ ਵਿੱਚ ਮਿਲੀ ਸੀ ਅਤੇ ਇਹ 19 ਦਸੰਬਰ ਤੋਂ ਲਾਗੂ ਹੋ ਰਿਹਾ ਹੈ। ਸਰਕਾਰ ਨੇ ਕੈਨੇਡੀਅਨ ਮੀਡੀਆ ਆਉਟਲੈਟਸ ਦੀ ਮਦਦ ਲਈ ਇਹ ਕਾਨੂੰਨ ਲਿਆਂਦਾ ਹੈ।
