19.12C Vancouver 19.12C VancouverDec 16, 2021 1:37 AM - The Canadian Press
ਕੋਵਿਡ-19 ਦੇ ਵਧਦੇ ਮਾਮਲਿਆਂ ਅਤੇ ਵਾਇਰਸ ਦੇ ਨਵੇਂ ਵੇਰੀਐਂਟ ਓਮੀਕਰੌਨ ਦੇ ਫੈਲਾਅ ਦੇ ਖਤਰੇ ਵਿਚਾਲੇ ਔਂਟੈਰੀਓ ਵੱਲੋਂ ਬੂਸਟਰ ਸ਼ਾਟਸ ਸੰਬੰਧੀ ਐਲੀਜੀਬਿਲਿਟੀ 'ਚ ਬਦਲਾਅ ਕੀਤਾ ਗਿਆ ਹੈ।
ਸੋਮਵਾਰ ਤੋਂ ਸੂਬੇ 'ਚ 18 ਸਾਲ ਅਤੇ ਉਸ ਤੋਂ ਵਧੇਰੀ ਉਮਰ ਦੇ ਸਾਰੇ ਲੋਕਾਂ ਨੂੰ ਬੂਸਟਰ ਸ਼ਾਟ ਦੇ ਲਈ ਐਲੀਜੀਬਲ ਬਣਾਇਆ ਜਾ ਰਿਹਾ ਹੈ।
ਇਹ ਨਿਰਦੇਸ਼ ਤੁਰੰਤ ਲਾਗੂ ਕੀਤੇ ਜਾ ਰਹੇ ਹਨ।
ਸੂਬੇ 'ਚ ਕੋਵਿਡ-19 ਵੈਕਸੀਨ ਦੀਆਂ 2 ਖੁਰਾਕਾਂ ਹਾਸਿਲ ਕਰ ਚੁੱਕੇ ਲੋਕ ਹੁਣ ਤੀਜੀ ਖੁਰਾਕ ਵੀ ਹਾਸਿਲ ਕਰ ਸਕਣਗੇ।
ਪ੍ਰੀਮਿਅਰ ਡਗ ਫੋਰਡ ਨੇ ਇਸ ਸੰਬੰਧੀ ਐਲਾਨ ਕਰਦੇ ਹੋਏ ਬੂਸਟਰ ਸ਼ਾਟਸ ਦੇ ਲਈ ਸਮੇਂ-ਸੀਮਾ 'ਚ ਵੀ ਬਦਲਾਅ ਕੀਤਾ ਹੈ।
ਦੂਜੀ ਖੁਰਾਕ ਹਾਸਿਲ ਕਰਨ ਤੋਂ 3 ਮਹੀਨੇ ਵਿਚਾਲੇ ਹੀ ਔਂਟੈਰੀਓ ਵਾਸੀ ਬੂਸਟਰ ਖੁਰਾਕ ਹਾਸਿਲ ਕਰ ਸਕਣਗੇ।
ਇਸ ਤੋਂ ਇਲਾਵਾ ਇਕੱਤਰਤਾ ਸੰਬੰਧੀ ਵੀ ਪਬੰਦੀਆਂ ਦਾ ਐਲਾਨ ਕੀਤਾ ਗਿਆ ਹੈ।
ਇੰਡੋਰ ਐਂਟਰਟੇਨਮੈਂਟ ਅਤੇ ਸਪੋਰਟ ਵੈਨਿਊਸ ਵਿੱਚ ਇਕੱਤਰਤਾ ਨੂੰ 50% ਤਕ ਸੀਮਤ ਕੀਤਾ ਜਾ ਰਿਹਾ ਹੈ।
ਅਜਿਹਾ ਉਨ੍ਹਾਂ ਵੈਨਿਊਸ ਲਈ ਹੋਵੇਗਾ ਜਿੰਨਾ ਦੀ ਕਪੈਸਟੀ 1,000 ਤੋਂ ਵਧੇਰੇ ਹੈ।
