19.7C Vancouver 19.7C VancouverDec 23, 2021 8:27 PM - The Canadian Press
ਔਂਟੈਰੀਓ ਅਤੇ ਕਿਊਬੈਕ 'ਚ ਕੋਵਿਡ-19 ਦੇ ਰਿਕਾਰਡਤੋੜ ਮਾਮਲੇ ਰਿਪੋਰਟ ਹੋ ਰਹੇ ਹਨ।
ਅੱਜ ਇੱਕ ਪਾਸੇ ਕਿਊਬੈਕ 'ਚ ਵਾਇਰਸ ਸੰਬੰਧੀ 9,397 ਮਾਮਲੇ ਰਿਪੋਰਟ ਹੋਏ ਹਨ ਜਦਕਿ ਦੂਜੇ ਪਾਸੇ ਔਂਟੈਰੀਓ 'ਚ 5,790 ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਮੌਂਟਰੀਅਲ 'ਚ ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਟੈਸਟ ਕਰਵਾਉਣ ਆ ਰਹੇ ਲੋਕਾਂ 'ਚ ਕਰੀਬ 5ਵਾਂ ਹਿੱਸਾ ਪਾਜੀਟਿਵ ਪਾਏ ਜਾ ਰਹੇ ਹਨ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਸ 'ਚ ਕਰੀਬ 90% ਇਨਫੈਕਸ਼ਨਸ ਓਮੀਕਰੌਨ ਵੇਰੀਐਂਟ ਨਾਲ ਸੰਬੰਧਤ ਹਨ।
ਔਂਟੈਰੀਓ ਸਰਕਾਰ ਦੇ ਇੱਕ ਸਲਾਹਕਾਰ ਡਾਕਟਰ ਦਾ ਕਹਿਣਾ ਸੀ ਕਿ ਅੱਜ ਦੀ ਕੁੱਲ ਮਾਮਲਿਆਂ ਦੀ ਰਿਪੋਰਟ ਹੋਈ ਗਿਣਤੀ ਤੋਂ ਅਸਲ ਅੰਕੜਾ 3 ਜਾਂ 4 ਗੁਣਾ ਵਧੇਰੇ ਹੋ ਸਕਦਾ ਹੈ।
