18.44C Vancouver 18.44C VancouverApr 28, 2021 5:26 PM -
ਔਂਟੈਰੀਓ ਦੀ ਔਡੀਟਰ ਜਨਰਲ, ਬੌਨੀ ਲਿਸਕ ਦਾ ਕਹਿਣਾ ਹੈ ਕਿ ਪ੍ਰੋਵਿੰਸ਼ੀਅਲ ਸਰਕਾਰ ਅਤੇ ਲੌਂਗ ਟਰਮ ਕੇਅਰ ਹੋਮ ਸੈਕਟਰ ਕੋਵਿਡ-19 ਪੈਂਡੈਮਿਕ ਲਈ ਸਹੀ ਢੰਗ ਨਾਲ ਤਿਆਰ ਨਹੀਂ ਸਨ।
ਉਨ੍ਹਾਂ ਕਿਹਾ ਕਿ ਸੂਬਾ ਸਰਕਾਰ ਅਤੇ ਲੌਂਗ ਟਰਮ ਕੇਅਰ ਹੋਮ ਸੈਕਟਰ ਨੇ 'ਸਾਰਸ ਐਪੀਡੈਮਿਕ' ਤੋਂ ਕੋਈ ਸਬਕ ਨਹੀਂ ਸਿੱਖਿਆ ਸੀ।
ਉਨ੍ਹਾਂ ਦੀ 3,700 ਤੋਂ ਵਧੇਰੇ ਨਰਸਿੰਗ ਹੋਮ ਰੈਜ਼ੀਡੈਂਟਸ ਦੀ ਮੌਤ ਸੰਬੰਧੀ ਰਿਪੋਰਟ 'ਚ 'ਸਿਸਟਮਿਕ ਕਮਜ਼ੋਰੀ' ਦਾ ਜ਼ਿਕਰ ਹੈ, ਜਿਸ 'ਤੇ ਕਈ ਸਾਲਾਂ ਤੋਂ ਸਵਾਲ ਉੱਠ ਰਹੇ ਸਨ ਪਰ ਜਿਸ 'ਤੇ ਕੋਈ ਐਕਸ਼ਨ ਨਹੀਂ ਲਿਆ ਗਿਆ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਐਮਰਜੈਂਸੀ ਪਲੈਨਿੰਗ ਪੂਰੀ ਤਰ੍ਹਾਂ ਫੇਲ੍ਹ ਹੋ ਗਈ ਸੀ।
ਔਡੀਟਰ ਜਨਰਲ ਦਾ ਕਹਿਣਾ ਸੀ ਕਿ ਵੈਕਸੀਨ ਦੇ ਆਉਣ ਨਾਲ ਪੈਂਡੈਮਿਕ ਦਾ ਪ੍ਰਭਾਵ ਕੁਝ ਘਟਿਆ ਹੈ ਪਰ ਉਨ੍ਹਾਂ ਕਿਹਾ ਕਿ ਇਹ ਸੈਕਟਰ ਹੁਣ ਵੀ ਕਮਜ਼ੋਰ ਵਿਖਾਈ ਦੇ ਰਿਹਾ ਹੈ।
ਇਸ ਰਿਪੋਰਟ 'ਚ ਸੁਧਾਰ ਲਈ 16 ਸਿਫਾਰਸ਼ਾਂ ਕੀਤੀਆਂ ਗਈਆਂ ਹਨ।
ਇਸ 'ਚ ਸਟਾਫਿੰਗ ਦੀ ਘਾਟ ਸੰਬੰਧੀ ਕਾਰਨਾਂ 'ਤੇ ਕੰਮ ਕਰਨ ਲਈ ਪ੍ਰੋਵਿੰਸ਼ੀਅਲ ਨੀਤੀ ਬਣਾਉਣ ਦੀ ਸਿਫਾਰਸ਼ ਵੀ ਕੀਤੀ ਗਈ ਹੈ।
