23C Vancouver 23C VancouverFeb 26, 2020 3:00 PM -
ਓਨਟਾਰਿਓ ਵਿੱਚ ਸਿਹਤ ਅਧਿਕਾਰੀਆਂ ਵਲੋਂ ਸੂਬੇ ਵਿੱਚ ਨੋਵਲ ਕਰੋਨਾਵਾਇਰਸ ਦੇ ਪੰਜਵੇਂ ਕੇਸ ਦੀ ਪੁਸ਼ਟੀ ਕੀਤੀ ਗਈ ਹੈ।
ਮਨਿਸਟਰੀ ਆਫ ਹੈਲਥ ਮੁਤਾਬਕ ਪੀੜਤ ਔਰਤ ਦੀ ਉਮਰ ਸੱਠਵਿਆਂ ਵਿੱਚ ਹੈ ਅਤੇ ਉਹ ਹਾਲ ਹੀ ਵਿੱਚ ਇਰਾਨ ਤੋਂ ਸਫ਼ਰ ਕਰਕੇ ਆਈ ਹੈ।
ਉਨ੍ਹਾਂ ਕਿਹਾ ਕੇ ਔਰਤ ਸੋਮਵਾਰ ਨੂੰ ਟੋਰਾਂਟੋ ਦੇ ਹਸਪਤਾਲ ਪਹੁੰਚੀ ਅਤੇ ਉਸ ਤੋਂ ਬਾਅਦ ਉਸ ਨੂੰ ਡਿਸਚਾਰਜ ਕਰ ਦਿੱਤਾ ਗਿਆ ਅਤੇ ਉਦੋਂ ਤੋਂ ਉਹ ਆਪਣੇ ਘਰ ਵਿੱਚ ਇਕਾਂਤ ਵਿੱਚ ਰਹਿ ਰਹੀ ਹੈ।
ਮਨਿਸਟਰੀ ਦਾ ਕਹਿਣਾ ਹੈ ਕਿ ਟੋਰਾਂਟੋ ਪਬਲਿਕ ਹੈਲਥ ਵੱਲੋਂ ਲਗਾਤਾਰ ਪੀੜਤ ਉੱਤੇ ਨਜ਼ਰ ਰੱਖੀ ਜਾ ਰਹੀ ਹੈ ਅਤੇ ਉਸ ਦੇ ਸੰਪਰਕ ਵਿੱਚ ਆਏ ਵਿਅਕਤੀਆਂ ਨੂੰ ਲੱਭਣ ਦੇ ਯਤਨ ਜਾਰੀ ਹਨ।
ਕੈਨੇਡਾ ਵਿੱਚ ਇਹ ਕੋਵਿੱਡ-19 ਦਾ ਬਾਹਰਵਾਂ ਕੇਸ ਹੈ, ਪਰ ਪਬਲਿਕ ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਦੇਸ਼ ਵਿੱਚ ਵਾਇਰਸ ਦੇ ਫੈਲਣ ਦਾ ਖਤਰਾ ਘੱਟ ਹੈ।
ਇਸ ਵਾਇਰਸ ਨਾਲ ਹੁਣ ਤੱਕ ਦੁਨੀਆਂ ਭਰ ਵਿੱਚ ਤਕਰੀਬਨ 80,000 ਵਿਅਕਤੀ ਪੀੜਤ ਪਾਏ ਜਾ ਚੁੱਕੇ ਹਨ ਅਤੇ ਹਾਲ ਹੀ ਵਿੱਚ ਇਰਾਨ ਵਿੱਚ ਇਸ ਦੇ ਕਈ ਕੇਸ ਉਭਰਕੇ ਸਾਹਮਣੇ ਆਏ ਹਨ।
ਵਾਇਰਸ ਨਾਲ ਈਰਾਨ ਵਿੱਚ 95 ਵਿਅਕਤੀ ਪ੍ਰਭਾਵਿਤ ਹੋ ਚੁੱਕੇ ਹੈ ਅਤੇ 16 ਜਾਨਾਂ ਜਾ ਚੁੱਕੀਆਂ ਹਨ।
