12.04C Vancouver 12.04C VancouverApr 29, 2021 7:23 PM -
ਔਂਟੈਰੀਓ ਵੱਲੋਂ ਫੇਜ਼ 2 ਦੇ ਵੈਕਸੀਨ ਪਲੈਨ 'ਚ ਕੁਝ ਤੇਜ਼ੀ ਅਤੇ ਕੁਝ ਤਬਦੀਲੀ ਲਿਆਂਦੀ ਜਾ ਰਹੀ ਹੈ।
ਸੂਬੇ ਦੇ ਸਾਰੇ 18 ਸਾਲ ਤੋਂ ਵਧੇਰੀ ਉਮਰ ਦੇ ਲੋਕ ਵੈਕਸੀਨ ਸ਼ੌਟ ਦੇ ਲਈ ਬੁੱਕ ਕਰ ਸਕਣਗੇ।
ਅਜਿਹਾ ਮਈ 24 ਦੇ ਹਫ਼ਤੇ ਤੋਂ ਕੀਤਾ ਜਾਵੇਗਾ।
ਇਸ ਦੇ ਨਾਲ ਹੀ ਔਂਟੈਰੀਓ ਵੱਲੋਂ ਕੋਵਿਡ-19 ਦੀਆਂ ਵੈਕਸੀਨ ਖੁਰਾਕਾਂ ਦੀ ਅੱਧੀ ਸਪਲਾਈ ਹੌਟ ਸਪੌਟ ਖੇਤਰਾਂ 'ਚ ਕੀਤੀ ਜਾਵੇਗੀ।
ਇਸ ਦੇ ਨਾਲ ਵਧੇਰੇ ਪ੍ਰਭਾਵਿਤ ਇਲਾਕਿਆਂ 'ਚ ਵਾਇਰਸ ਨਾਲ ਲੜਾਈ ਨੂੰ ਤੇਜ਼ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
ਹਾਲ ਦੀ ਘੜੀ ਹੌਟ ਸਪੌਟਸ ਤਕ 25% ਵੈਕਸੀਨ ਖੁਰਾਕਾਂ ਦੀ ਸਪਲਾਈ ਹੋ ਰਹੀ ਹੈ।
ਸਰਕਾਰ ਦਾ ਕਹਿਣਾ ਹੈ ਕਿ ਸੂਬੇ 'ਚ ਮਈ 17 ਦੇ ਹਫ਼ਤੇ ਤੋਂ ਵੈਕਸੀਨ ਦੀ ਪਰ/ਕੈਪਿਟਾ ਵੰਢ ਸ਼ੁਰੂ ਹੋ ਜਾਵੇਗੀ।
ਕੱਲ ਤੋਂ ਸੂਬੇ 'ਚ ਮਾਸ ਵੈਕਸੀਨੇਸ਼ਨ ਕਲੀਨਿਕਸ 'ਚ 55 ਸਾਲ ਅਤੇ ਉਸ ਤੋਂ ਵਧੇਰੀ ਉਮਰ ਦੇ ਲੋਕਾਂ ਨੂੰ ਵੈਕਸੀਨ ਪ੍ਰਦਾਨ ਕਰਨੀ ਸ਼ੁਰੂ ਹੋ ਜਾਵੇਗੀ।
ਔਂਟੈਰਰਿਓ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 8,000 ਦੇ ਪਾਰ
ਔਂਟੈਰੀਓ ਨੇ ਕੋਵਿਡ-19 ਸੰਬੰਧੀ ਇੱਕ ਮੰਦਭਾਗਾ ਅੰਕੜਾ ਪਾਰ ਕਰ ਲਿਆ ਹੈ।
ਅੱਜ ਸੂਬੇ 'ਚ ਇਸ ਪੈਂਡੈਮਿਕ ਨਾਲ ਸੰਬੰਧਤ ਮੌਤਾਂ ਦੀ ਗਿਣਤੀ 8,000 ਦੇ ਪਾਰ ਪਹੁੰਚ ਗਈ ਹੈ।
ਅੱਜ ਸੂਬੇ 'ਚ 41 ਮੌਤਾਂ ਰਿਪੋਰਟ ਹੋਈਆਂ ਜਿਸ ਦੌਰਾਨ ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 8,000 ਦੇ ਪਾਰ ਪਹੁੰਚ ਗਈ।
ਅੱਜ ਔਂਟੈਰੀਓ 'ਚ 3,871 ਮਾਮਲੇ ਰਿਪੋਰਟ ਹੋਏ ਹਨ।
ਯਾਦ ਰਹੇ ਔਂਟੈਰੀਓ 'ਚ ਵਾਇਰਸ ਸੰਬੰਧੀ ਰਿਪੋਰਟ ਹੋਣ ਵਾਲੇ ਮਾਮਲਿਆਂ ਦੀ ਕੁੱਲ ਗਿਣਤੀ, 450,000 ਤੋਂ ਵਧੇਰੇ ਹੋ ਚੁੱਕੀ ਹੈ।
