14.32C Vancouver 14.32C VancouverMay 6, 2020 3:12 PM -
ਓਨਟਾਰੀਓ ਵਿੱਚ ਐਮਰਜੈਂਸੀ ਆਰਡਰ ਅਤੇ ਹਾਇਡਰੋ ਦੀਆਂ ਘੱਟ ਕੀਮਤਾਂ ਨੂੰ ਦੋ ਹੋਰ ਹਫਤਿਆਂ ਲਈ ਵਧਾ ਦਿੱਤਾ ਗਿਆ ਹੈ।
ਗੈਰ ਜ਼ਰੂਰੀ ਵਪਾਰ, 5 ਤੋਂ ਵੱਧ ਵਿਅਕਤੀਆਂ ਦੇ ਇਕੱਠ ਉੱਤੇ ਪਾਬੰਦੀ ਅਤੇ ਪਲੇਅਗਰਾਊਂਡਾਂ ਨੂੰ ਪਹਿਲਾਂ ਅੱਜ ਖੋਲ੍ਹੇ ਜਾਣਾ ਸੀ ਪਰ ਹੁਣ ਦੋ ਹੋਰ ਹਫਤਿਆਂ ਲਈ 19 ਮਈ ਤੱਕ ਬੰਦ ਰੱਖਿਆ ਜਾਵੇਗਾ।
ਸੂਬੇ ਵਿੱਚ ਐਲਾਨੀ ਗਈ ਸਟੇਟ ਆਫ਼ ਐਮਰਜੈਂਸੀ ਪਿਛਲੇ ਮਹੀਨੇ 12 ਮਈ ਤੱਕ ਵਧਾ ਦਿੱਤੀ ਗਈ ਸੀ।
ਸਰਕਾਰ ਮੁਤਾਬਕ ਰਿਹਾਇਸ਼ੀ ਖਪਤਕਾਰਾਂ, ਫ਼ਾਰਮਾਂ ਅਤੇ ਛੋਟੇ ਵਪਾਰਾਂ ਲਈ ਬਿਜਲੀ ਦੇ ਰੇਟਾਂ ਵਿੱਚ ਕਟੌਤੀ ਹੁਣ 31 ਮਈ ਤੱਕ ਜਾਰੀ ਰਹੇਗੀ।
ਅੱਜ ਦੇ ਅੰਕੜਿਆਂ ਮੁਤਾਬਕ ਓਨਟਾਰੀਓ ਵਿੱਚ ਕੋਵਿਡ-19 ਦੇ 412 ਨਵੇਂ ਮਾਮਲੇ ਉੱਭਰਕੇ ਸਾਹਮਣੇ ਆਏ ਹਨ ਅਤੇ 68 ਹੋਰ ਵਿਅਕਤੀ ਦਮ ਤੋੜ ਗਏ ਹਨ।
ਸੂਬੇ ਵਿੱਚ ਵਾਇਰਸ ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ ਹੁਣ 18,722 ਹੋ ਗਈ ਹੈ ਅਤੇ ਹੁਣ ਤੱਕ 1,429 ਲੋਕਾਂ ਦੀਆਂ ਜਾਨਾਂ ਚੱਲੀਆਂ ਗਈਆਂ ਹਨ ਅਤੇ 13,222 ਵਿਅਕਤੀ ਹੁਣ ਸੇਹਤਮੰਦ ਮੰਨੇ ਜਾਂਦੇ ਹੈ।
ਸੂਬੇ ਵਿੱਚ ਇੱਕ ਦਿਨ ਵਿੱਚ 16,000 ਟੈਸਟ ਕਰਣ ਦਾ ਟੀਚਾ ਸੀ ਪਰ ਕੱਲ 13,000 ਹੀ ਕੀਤੇ ਗਏ।
ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਸੂਬੇ ਦੇ ਰੀਜਨਲ ਮੈਡੀਕਲ ਅਫਸਰਾਂ ਨੂੰ ਘੱਟ ਟੈਸਟਾਂ ਲਈ ਜ਼ਿਮੇਂਵਾਰ ਠਹਿਰਾਇਆ ਹੈ।
