ਔਨਟੈਰਿਓ ਗ੍ਰੀਨਬੈਲਟ ਵਿਕਾਸ ਯੋਜਨਾਵਾਂ 'ਪੱਖਪਾਤੀ' ਸਨ: ਏ.ਜੀ. ਰਿਪੋਰਟ

ਔਨਟੈਰਿਓ ਦੇ ਆਡੀਟਰ ਜਨਰਲ ਦੀ ਨਵੀਂ ਰਿਪੋਰਟ ਵਿਚ ਸਾਹਮਣੇ ਆਇਆ ਹੈ ਕਿ ਔਨਟੈਰਿਓ ਸਰਕਾਰ ਦੀ ਹਾਊਸਿੰਗ ਵਿਕਾਸ ਵਾਸਤੇ ਸੁਰੱਖਿਅਤ ਗ੍ਰੀਨਬੈਲਟ ਜ਼ਮੀਨ ਦੀ ਚੋਣ ਕਰਨ ਦੀ ਪ੍ਰਕਿਰਿਆ, ਸਰਕਾਰ ਵਿਚ ਚੰਗੇ ਸਬੰਧ ਰੱਖਣ ਵਾਲੇ ਡਿਵੈਲਪਰਾਂ ਦੇ ਇੱਕ ਛੋਟੇ ਜਿਹੇ ਸਮੂਹ ਤੋਂ ਬੁਰੀ ਤਰ੍ਹਾਂ ਪ੍ਰਭਾਵਿਤ ਸੀ।

ਆਡੀਟਰ ਜਨਰਲ ਬੌਨੀ ਲੀਜ਼ਿਕ ਵੱਲੋਂ ਬੁੱਧਵਾਰ ਨੂੰ ਜਾਰੀ ਹੋਈ 95 ਪੰਨਿਆਂ ਦੀ ਰਿਪੋਰਟ ਨੇ ਸਮੀਖਿਆ ਕੀਤੀ ਕਿ ਸੂਬਾ ਸਰਕਾਰ ਨੇ ਨਾਇਗਰਾ ਫ਼ੌਲਜ਼ ਤੋਂ ਪੀਟਰਬ੍ਰੋਅ ਤੱਕ ਫ਼ੈਲੇ ਫ਼ਾਰਮਲੈਂਡ, ਜੰਗਲਾਂ ਅਤੇ ਵਾਟਰਲੈਂਡ ਦੇ 810,000 ਹੈਕਟੇਅਰ ਇਲਾਕੇ ਨੂੰ ਗ੍ਰੀਨਬੈਲਟ ਤੋਂ ਬਾਹਰ ਕਰਨ ਦੀ ਚੋਣ ਕਿਵੇਂ ਕੀਤੀ ਸੀ।

ਲੀਜ਼ਿਕ ਨੇ ਦੱਸਿਆ ਕਿ ਇਲਾਕੇ ਦੀ ਚੋਣ ਪ੍ਰਕਿਰਿਆ ਗ਼ੈਰ-ਪੱਖਪਾਤੀ ਪਬਲਿਕ ਸਰਵੈਂਟਸ ਦੁਆਰਾ ਨਹੀਂ ਸਗੋਂ ਮੁੱਖ ਤੌਰ ‘ਤੇ ਹਾਊਸਿੰਗ ਮਿਨਿਸਟਰ ਸਟੀਵ ਕਲਾਰਕ ਦੇ ਚੀਫ਼ ਔਫ਼ ਸਟਾਫ਼ ਦੁਆਰਾ ਨਿਯੰਤਰ੍ਰਿਤ ਸੀ ਅਤੇ ਚੀਫ਼ ਔਫ਼ ਸਟਾਫ਼ ਤੱਕ ਪਹੁੰਚ ਰੱਖਣ ਵਾਲੇ ਡਿਵੈਲਪਰਾਂ ਦੇ ਖ਼ਾਸ ਸੁਝਾਵਾਂ ਤੋਂ ਪ੍ਰਭਾਵਿਤ ਸੀ।