14.16C Vancouver 14.16C VancouverApr 7, 2021 8:29 PM -
ਔਂਟੈਰੀਓ 'ਚ ਵੀਰਵਾਰ ਤੜਕੇ 12.01 ਵਜੇ ਤੋਂ 'ਸਟੇਅ ਐਟ ਹੋਮ' ਦੇ ਨਿਰਦੇਸ਼ ਜਾਰੀ ਹੋਣ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।
ਸੂਬੇ 'ਚ ਕੋਵਿਡ-19 ਦੇ ਵਧਦੇ ਮਾਮਲੇ ਅਤੇ ਵਾਇਰਸ ਵੇਰੀਐਂਟਸ ਦੇ ਤੇਜ਼ੀ ਨਾਲ ਫੈਲਾਅ 'ਤੇ ਕਾਬੂ ਪਾਉਣ ਦੇ ਲਈ ਅਜਿਹਾ ਕੀਤਾ ਜਾ ਰਿਹਾ ਹੈ।
ਇਸ ਦੇ ਨਾਲ ਹੀ ਪ੍ਰੀਮਿਅਰ ਡਗ ਫੋਰਡ ਨੇ ਸੂਬੇ 'ਚ ਤੀਜੀ 'ਸਟੇਟ ਆਫ ਐਮਰਜੈਂਸੀ' ਦਾ ਐਲਾਨ ਕਰ ਦਿੱਤਾ ਹੈ।
ਉਨ੍ਹਾਂ ਕਿਹਾ ਕਿ ਇਹ ਨਿਰਦੇਸ਼ ਵਾਇਰਸ ਦੀ ਤੀਜੀ ਵੇਵ ਵਿਚਾਲੇ ਬੇਹੱਦ ਜ਼ਰੂਰੀ ਹਨ ਜਿਸ ਨਾਲ ਹੈਲਥ ਕੇਅਰ ਸਿਸਟਮ 'ਤੇ ਦਬਾਅ ਵਧਦਾ ਜਾ ਰਿਹਾ ਹੈ।
ਇਹ ਨਿਰਦੇਸ਼ 4 ਹਫ਼ਤੇ ਲਈ ਜਾਰੀ ਕੀਤੇ ਗਏ ਹਨ।
ਇਸ ਦੌਰਾਨ ਸਾਰੇ ਗੈਰਜ਼ਰੂਰੀ ਰਿਟੇਲ ਬੰਦ ਕੀਤੇ ਜਾਣਗੇ।
ਬਿਗ-ਬੌਕਸ ਰਿਟੇਲ 'ਤੇ ਵੀ ਸਿਰਫ ਜ਼ਰੂਰੀ ਚੀਜ਼ਾਂ ਦੀ ਰਿਟੇਲ ਦੀ ਇਜਾਜ਼ਤ ਹੋਵੇਗੀ।
ਪ੍ਰੀਮਿਅਰ ਨੇ ਕਿਹਾ ਕਿ ਉਨ੍ਹਾਂ ਨੂੰ ਲਗਾਤਾਰ ਹਸਪਤਾਲਾਂ ਦੇ ਹਾਲਾਤਾਂ ਦੀ ਜਾਣਕਾਰੀ ਮਿਲ ਰਹੀ ਹੈ ਅਤੇ ਦਬਾਅ ਵਧਦਾ ਜਾ ਰਿਹਾ ਹੈ।
ਡਗ ਫੋਰਡ ਨੇ ਲੋਕਾਂ ਨੂੰ ਵੀ ਅਪੀਲ ਕੀਤੀ ਕਿ ਜਿਵੇਂ ਹੀ ਮੌਕਾ ਮਿਲੇ ਵੈਕਸੀਨ ਹਾਸਿਲ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇ।
