17.49C Vancouver 17.49C VancouverMay 10, 2021 9:39 PM -
ਔਂਟੈਰੀਓ ਦਾ ਕਹਿਣਾ ਹੈ ਕਿ ਉਹ ਕੋਵਿਡ-19 ਵੈਕਸੀਨ ਦੀ ਮਿਕਸ ਤਰੀਕੇ ਨਾਲ ਵਰਤੋਂ ਸ਼ੁਰੂ ਕਰ ਸਕਦੇ ਹਨ।
ਸੂਬੇ ਦਾ ਕਹਿਣਾ ਹੈ ਕਿ ਵੈਕਸੀਨ ਖੁਰਾਕਾਂ ਦੀ ਅੱਗੇ ਦੀ ਡਿਲੀਵਰੀ ਬਾਰੇ ਪੂਰੀ ਸਪਸ਼ਟਤਾ ਨਹੀਂ ਹੈ ਅਤੇ ਸਪਲਾਈ ਦੀ ਚੁਣੌਤੀ ਨਾਲ ਨਜਿੱਠਣ ਲਈ ਖੁਰਾਕਾਂ ਦੀ ਮਿਕਸ ਵਰਤੋਂ ਸ਼ੁਰੂ ਹੋ ਸਕਦੀ ਹੈ।
ਸਿਹਤ ਮੰਤਰੀ ਕ੍ਰਿਸਟਨ ਐਲੀਅਟ ਦਾ ਕਹਿਣਾ ਹੈ ਕਿ ਮੁਮਕਿਨ ਹੈ ਕਿ ਪਹਿਲੀ ਡੋਜ਼ ਵਜੋਂ ਔਕਸਫਰਡ-ਐਸਟ੍ਰਾਜ਼ੈਨਕਾ ਹਾਸਿਲ ਕਰਨ ਵਾਲੇ ਲੋਕਾਂ ਨੂੰ ਦੂਜੀ ਡੋਜ਼ ਵਜੋਂ ਕੋਈ ਹੋਰ ਵੈਕਸੀਨ ਪ੍ਰਦਾਨ ਕੀਤੀ ਜਾਵੇ।
ਔਂਟੈਰੀਓ ਦਾ ਕਹਿਣਾ ਹੈ ਕਿ ਸੂਬੇ 'ਚ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਦੀਆਂ ਖੁਰਾਕਾਂ ਦੀ ਘੱਟ ਸਪਲਾਈ ਵਿਚਾਲੇ ਇਹ ਫੈਸਲਾ ਲਿਆ ਗਿਆ ਹੈ।
ਕਿਊਬੈਕ ਨੇ ਵੀ ਆਖਿਆ ਹੈ ਕਿ ਸਪਲਾਈ ਦੀ ਕਮੀ ਦੇ ਕਾਰਨ ਉਹ ਵੀ ਵੈਕਸੀਨ ਦੀ ਮਿਕਸ ਵਰਤੋਂ ਕਰ ਸਕਦੇ ਹਨ।
ਕਿਊਬੈਕ 'ਚ ਫਾਈਜ਼ਰ-ਬਾਇਓਐਨਟੈਕ ਵੈਕਸੀਨ ਤੋਂ ਬਾਅਦ ਦੂਜੇ ਸ਼ੌਟ ਦੌਰਾਨ ਮੌਡਰਨਾ ਦੀ ਖੁਰਾਕ ਪ੍ਰਦਾਨ ਕਰਨ ਦੀ ਗੱਲ ਆਖੀ ਜਾ ਰਹੀ ਹੈ।
