12.78C Vancouver 12.78C VancouverMar 4, 2025 8:09 PM - Connect Newsroom
ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਐਲੋਨ ਮਸਕ ਦੇ ਸਟਾਰਲਿੰਕ ਨਾਲ $100 ਮਿਲੀਅਨ ਦਾ ਸਮਝੌਤਾ ਰੱਦ ਕਰਨ ਦਾ ਐਲਾਨ ਕੀਤਾ ਹੈ ਅਤੇ ਨਾਲ ਹੀ ਨਿਊਯਾਰਕ, ਮਿਸ਼ੀਗਨ ਅਤੇ ਮਿਨੀਸੋਟਾ ਦੇ 1.5 ਮਿਲੀਅਨ ਘਰਾਂ ਨੂੰ ਓਨਟਾਰੀਓ ਤੋਂ ਮਿਲਣ ਵਾਲੀ ਬਿਜਲੀ 'ਤੇ 25 ਫੀਸਦੀ ਟੈਰਿਫ ਲਗਾ ਦਿੱਤਾ ਹੈ।
ਫੋਰਡ ਨੇ ਇਹ ਵੀ ਚਿਤਾਵਨੀ ਦਿੱਤੀ ਕਿ ਜੇ ਟਰੰਪ 2 ਅਪ੍ਰੈਲ ਨੂੰ ਹੋਰ ਟੈਰਿਫ 'ਤੇ ਅੱਗੇ ਵਧਦੇ ਹਨ ਤਾਂ ਉਹ ਸੂਬੇ ਦੇ ਊਰਜਾ ਉਤਪਾਦਕ ਨੂੰ ਸਪਲਾਈ ਪੂਰੀ ਤਰ੍ਹਾਂ ਬੰਦ ਕਰਨ ਦਾ ਨਿਰਦੇਸ਼ ਦੇਣਗੇ। ਇਸ ਤੋਂ ਇਲਾਵਾ ਪ੍ਰੀਮੀਅਰ ਫੋਰਡ ਨੇ ਐਲ.ਸੀ.ਬੀ.ਓ. ਨੂੰ ਆਪਣੀਆਂ ਸ਼ੈਲਫਾਂ ਤੋਂ ਅਮਰੀਕੀ ਸ਼ਰਾਬ ਹਟਾਉਣ ਦਾ ਨਿਰਦੇਸ਼ ਦਿੱਤਾ ਹੈ, ਜਿਸ ਦੀ ਹੁਣ ਤੱਕ ਸਾਲਾਨਾ ਵਿਕਰੀ ਲਗਭਗ $1 ਬਿਲੀਅਨ ਦੀ ਸੀ।
ਓਨਟਾਰੀਓ ਦੇ ਪ੍ਰੀਮੀਅਰ ਫੋਰਡ ਦੇ ਆਦੇਸ਼ ਦਾ ਮਤਲਬ ਹੈ ਕਿ ਸੂਬੇ ਦੇ ਸਟੋਰਾਂ, ਬਾਰਾਂ ਤੇ ਰੈਸਟੋਰੈਂਟ ਅਤੇ ਹੋਰ ਰਿਟੇਲਰ ਹੁਣ ਅਮਰੀਕੀ ਸ਼ਰਾਬ ਨਹੀਂ ਖਰੀਦ ਸਕਣਗੇ।
