26.66C Vancouver 26.66C VancouverJan 9, 2021 1:07 AM -
ਔਂਟੈਰੀਓ ਦੇ ਪ੍ਰੀਮਿਅਰ ਡਗ ਫੋਰਡ ਨੇ ਲੋਕਾਂ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਕੋਵਿਡ-19 ਮਾਮਲਿਆਂ 'ਤੇ ਕਾਬੂ ਨਾ ਪਾਇਆ ਗਿਆ ਤਾਂ ਸੂਬੇ 'ਚ ਜਾਰੀ ਲੌਕਡਾਊਨ ਨੂੰ ਹੋਰ ਸਖਤ ਬਣਾ ਦਿੱਤਾ ਜਾਵੇਗਾ।
ਅੱਜ ਔਂਟੈਰੀਓ 'ਚ ਕੋਵਿਡ-19 ਦੇ ਸਾਰੇ ਰਿਕਾਰਡ ਟੁੱਟ ਗਏ ਹਨ।
ਅੱਜ ਸੂਬੇ 'ਚ ਵਾਇਰਸ ਸੰਬੰਧੀ 4,249 ਮਾਮਲੇ ਰਿਪੋਰਟ ਹੋ ਗਏ ਹਨ।
ਫੋਰਡ ਨੇ ਕਿਹਾ ਹੈ ਕਿ ਵਧਦੇ ਮਾਮਲਿਆਂ ਵਿਚਾਲੇ ਹਸਪਤਾਲਾਂ ਦੀ ਕਪੈਸਟੀ 'ਤੇ ਪ੍ਰਭਾਵ ਪੈ ਰਿਹਾ ਹੈ ਅਤੇ ਇਸ ਦੇ ਚਲਦਿਆਂ ਬਿਮਾਰੀਆਂ ਅਤੇ ਮੌਤਾਂ 'ਚ ਵਾਧਾ ਹੋ ਸਕਦਾ ਹੈ।
ਐਨ.ਡੀ.ਪੀ. ਲੀਡਰ ਐਂਡਰੇਆ ਹੋਰਵਾਥ ਨੇ ਫੋਰਡ ਨੂੰ ਨਿਸ਼ਾਨੇ 'ਤੇ ਲਿਆ ਹੈ ਅਤੇ ਕਿਹਾ ਹੈ ਕਿ ਪਹਿਲਾਂ ਹੀ ਸਖਤ ਲੌਕਡਾਊਨ ਲਗਾਇਆ ਜਾਣਾ ਚਾਹੀਦਾ ਸੀ।
ਯਾਦ ਰਹੇ ਅੱਜ ਔਂਟੈਰੀਓ 'ਚ 26 ਮੌਤਾਂ ਵੀ ਰਿਪੋਰਟ ਹੋਈਆਂ ਹਨ।
ਸੂਬੇ 'ਚ ਵਾਇਰਸ ਸੰਬੰਧੀ ਕੁੱਲ ਮਾਮਲਿਆਂ ਦੀ ਗਿਣਤੀ 208,000 ਦੇ ਪਾਰ ਪਹੁੰਚ ਚੁੱਕੀ ਹੈ।
