16.39C Vancouver 16.39C VancouverNov 30, 2021 2:20 AM - Connect News
ਔਂਟੈਰੀਓ 'ਚ ਕੋਵਿਡ-19 ਦੇ ਨਵੇਂ ਵੇਰੀਐਂਟ ਓਮੀਕਰੌਨ ਦੇ 2 ਹੋਰ ਮਾਮਲੇ ਰਿਪੋਰਟ ਹੋਏ ਹਨ।
ਇਸ ਦੇ ਨਾਲ ਸੂਬੇ 'ਚ ਕੋਵਿਡ-19 ਦੇ ਨਵੇਂ ਵੇਰੀਐਂਟ ਦੇ ਕੁੱਲ 4 ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
ਇਸ ਤੋਂ ਪਹਿਲਾਂ ਔਂਟੈਰੀਓ ਨੇ ਇਸ ਵਾਇਰਸ ਦੇ ਕੈਨੇਡਾ ਦੇ ਪਹਿਲੇ 2 ਮਾਮਲੇ ਰਿਪੋਰਟ ਕੀਤੇ ਸਨ।
ਸੂਬੇ ਦਾ ਕਹਿਣਾ ਸੀ ਕਿ ਵਾਇਰਸ ਤੋਂ ਪ੍ਰਭਾਵਿਤ ਲੋਕ ਹਾਲ 'ਚ ਨਾਈਜੀਰੀਆ 'ਚ ਰਹੇ ਸਨ।
ਉਨ੍ਹਾਂ ਦਾ ਔਟਵਾ ਦੀ ਯਾਤਰਾ ਤੋਂ ਪਹਿਲਾਂ ਮੌਂਟਰੀਅਲ 'ਚ ਟੈਸਟ ਕੀਤਾ ਗਿਆ ਸੀ।
ਉਧਰ ਕਿਊਬੈਕ ਦੇ ਸਿਹਤ ਅਧਿਕਾਰੀਆਂ ਨੇ ਪੁਸ਼ਟੀ ਕੀਤੀ ਹੈ ਕਿ ਸੂਬੇ 'ਚ ਕੋਵਿਡ-19 ਦੇ ਨਵੇਂ ਅਤੇ ਬੇਹੱਦ ਖਤਰਨਾਕ ਮੰਨੇ ਜਾ ਰਹੇ ਵੇਰੀਐਂਟ ਓਮੀਕਰੌਨ ਦਾ ਇੱਕ ਮਾਮਲਾ ਰਿਪੋਰਟ ਹੋਇਆ ਹੈ।
ਸਿਹਤ ਮੰਤਰੀ ਕ੍ਰਿਸਟੀਅਨ ਡੁਬੇ ਨੇ ਇਸ ਸੰਬੰਧੀ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਜਾਣਕਾਰੀ ਦਿੱਤੀ।
ਕੈਨੇਡਾ 'ਚ ਹੁਣ ਇਸ ਵੇਰੀਐਂਟ ਦੇ ਕੁੱਲ 5 ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
