24.79C Vancouver 24.79C VancouverOct 15, 2020 9:35 PM -
ਔਟਵਾ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਔਰਤ 'ਤੇ ਕੁਆਰੰਟੀਨ ਐਕਟ ਦੀ ਉਲੰਘਣਾ ਦੇ ਮਾਮਲੇ 'ਚ ਦੋਸ਼ ਲਗਾਏ ਗਏ ਹਨ।
ਕੈਨੇਡਾ ਦੇ ਬਾਹਰ ਦੀ ਯਾਤਰਾ ਤੋਂ ਬਾਅਦ ਔਰਤ ਨੇ 14 ਦਿਨ ਲਈ ਕੁਆਰੰਟੀਨ ਨਹੀਂ ਕੀਤਾ ਸੀ ਅਤੇ 4 ਦਿਨ ਬਾਅਦ ਹੀ ਕੰਮ 'ਤੇ ਵਾਪਸੀ ਕੀਤੀ ਸੀ।
ਜਾਣਕਾਰੀ ਦਿੱਤੀ ਗਈ ਕਿ ਔਰਤ 26 ਸਿਤੰਬਰ ਨੂੰ ਕੈਨੇਡਾ ਪਰਤੀ ਸੀ ਅਤੇ ਇੱਕ ਲੌਂਗ ਟਰਮ ਕੇਅਰ ਫੈਸਿਲਿਟੀ 'ਚ ਉਸ ਨੇ 30 ਸਿਤੰਬਰ ਨੂੰ ਕੰਮ 'ਤੇ ਵਾਪਸੀ ਕਰ ਲਈ ਸੀ।
ਮਾਮਲੇ ਦੀ ਜਾਣਕਾਰੀ ਮਿਲਣ 'ਤੇ ਬੌਸ ਨੇ ਔਰਤ ਨੂੰ ਕੰਮ ਤੋਂ ਵਾਪਿਸ ਭੇਜ ਦਿੱਤਾ।
53 ਸਾਲਾ ਔਰਤ 'ਤੇ ਕੁਆਰੰਟੀਨ ਐਕਟ ਤਹਿਤ ਦੋ ਦੋਸ਼ ਲਗਾਏ ਗਏ ਹਨ ਜਿਸ 'ਚ ਸੈਲਫ-ਆਈਸੋਲੇਸ਼ਨ ਦੀ ਲੋੜ ਦਾ ਉਲੰਘਣ ਅਤੇ ਜਾਣਬੁੱਝ ਕੇ ਕੁਆਰੰਟੀਨ ਤੋੜ ਲੋਕਾਂ ਲਈ ਖਤਰਾ ਬਣਨ ਦੇ ਦੋਸ਼ ਸ਼ਾਮਿਲ ਹਨ।
ਯਾਦ ਰਹੇ ਇਸ ਦੂਜੇ ਦੋਸ਼ ਤਹਿਤ $1 ਮਿਲੀਅਨ ਤੱਕ ਦਾ ਜੁਰਮਾਨਾ ਅਤੇ 3 ਸਾਲ ਦੀ ਕੈਦ ਹੋ ਸਕਦੀ ਹੈ।
