21.81C Vancouver 21.81C VancouverApr 21, 2021 7:34 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਫੈਡਰਲ ਸਰਕਾਰ ਵੱਲੋਂ ਭਾਰਤ ਤੋਂ ਆਉਂਦੀਆਂ ਫਲਾਈਟਸ 'ਤੇ ਧਿਆਨ ਕੇਂਦਰਿਤ ਕੀਤਾ ਜਾ ਰਿਹਾ ਹੈ, ਜਿੱਥੇ ਕਿ ਕੋਵਿਡ-19 ਮਾਮਲਿਆਂ ਦੀ ਵੱਡੀ ਗਿਣਤੀ ਰਿਪੋਰਟ ਹੋ ਰਹੀ ਹੈ।
ਡਾ. ਟੈਮ ਦਾ ਕਹਿਣਾ ਹੈ ਕਿ ਔਟਵਾ ਨੇ ਆਮ ਤੌਰ 'ਤੇ ਅਜਿਹੇ ਕਦਮ ਚੁੱਕਣ ਦੀ ਕੋਸ਼ਿਸ਼ ਕੀਤੀ ਹੈ ਜੋ ਕਿ ਕਿਸੇ ਖਾਸ ਦੇਸ਼ ਨਾਲ ਸੰਬੰਧਤ ਨਾ ਹੋਣ ਅਤੇ ਇਸੇ ਕਾਰਨ ਕੋਵਿਡ-19 ਦੇ ਪ੍ਰੀ-ਬੋਰਡਿੰਗ ਟੈਸਟ, ਅਰਾਈਵਲ 'ਤੇ ਹੋਣ ਵਾਲੇ ਟੈਸਟ ਅਤੇ ਕੁਆਰੰਟੀਨ ਜਿਹੇ ਕਦਮ ਚੁੱਕੇ ਗਏ ਹਨ।
ਪਰ ਉਨ੍ਹਾਂ ਕਿਹਾ ਕਿ ਭਾਰਤ 'ਚ ਇੱਕ ਖਾਸ ਕਿਸਮ ਦੇ ਵੇਰੀਐਂਟ ਕਾਰਨ ਇਸ ਦੇਸ਼ ਨਾਲ ਸੰਬੰਧਤ ਕੋਈ ਨਿਵੇਕਲਾ ਅਤੇ ਖਾਸ ਕਿਸਮ ਦਾ ਫੈਸਲਾ ਲਿਆ ਜਾ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਇਸ ਵੇਰੀਐਂਟ ਕਾਰਨ ਵੱਡਾ ਆਊਟਬ੍ਰੇਕ ਹੋਣ ਦਾ ਖਤਰਾ ਖੜਾ ਹੋ ਸਕਦਾ ਹੈ।
ਯਾਦ ਰਹੇ ਭਾਰਤ 'ਚ ਬੁੱਧਵਾਰ ਨੂੰ 300,000 ਦੇ ਕਰੀਬ ਕੋਵਿਡ-19 ਮਾਮਲੇ ਰਿਪੋਰਟ ਹੋਏ ਹਨ।
ਇੱਕੋ ਦਿਨ 'ਚ 2,000 ਤੋਂ ਵਧੇਰੇ ਮੌਤਾਂ ਵੀ ਰਿਪੋਰਟ ਹੋਈਆਂ ਹਨ।
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਭਾਰਤ ਤੋਂ ਪਿਛਲੇ 2 ਹਫ਼ਤਿਆਂ 'ਚ ਅਜਿਹੀਆਂ 35 ਫਲਾਈਟਸ ਪਹੁੰਚੀਆਂ ਹਨ, ਜਿੰਨਾ 'ਚ ਘਟੋ-ਘੱਟ ਇੱਕ ਕੋਵਿਡ-19 ਮਾਮਲਾ ਪਾਇਆ ਗਿਆ ਹੈ।
ਔਂਟੈਰੀਓ ਸਰਕਾਰ ਨੇ ਔਟਵਾ ਨੂੰ ਬੇਨਤੀ ਕੀਤੀ ਹੈ ਕਿ ਭਾਰਤ ਅਤੇ ਹੋਰ ਹੌਟ-ਸਪੌਟ ਦੇਸ਼ਾਂ ਤੋਂ ਯਾਤਰਾ ਨੂੰ ਬੈਨ ਕੀਤਾ ਜਾਵੇ।
