11.17C Vancouver 11.17C VancouverOct 12, 2023 6:58 PM - Connect News
ਇਜ਼ਰਾਈਲ 'ਤੇ ਹਮਾਸ ਦੇ ਹਮਲੇ ਤੋਂ ਬਾਅਦ ਜੰਗ ਵੀਰਵਾਰ ਨੂੰ ਛੇਵੇਂ ਦਿਨ ਵੀ ਜਾਰੀ ਹੈ।
ਇਸ ਦੌਰਾਨ ਭਾਰਤੀ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਇਜ਼ਰਾਈਲ ਤੋਂ 230 ਭਾਰਤੀਆਂ ਦੀ ਕੱਲ ਦੇਸ਼ ਵਿੱਚ ਵਾਪਸੀ ਹੋਵੇਗੀ।
ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਅਰਿੰਦਮ ਬਾਗਚੀ ਨੇ ਕਿਹਾ ਕਿ ਜੋ ਵੀ ਭਾਰਤ ਵਾਪਿਸ ਆਉਣਾ ਚਾਹੁੰਦਾ ਹੈ ਉਹ ਆ ਸਕਦਾ ਹੈ।
ਆਪਰੇਸ਼ਨ ਅਜੇ ਤਹਿਤ ਪਹਿਲੀ ਉਡਾਣ ਰਵਾਨਾ ਹੋਵੇਗੀ।
ਪਹਿਲੀ ਚਾਰਟਰ ਫਲਾਈਟ ਅੱਜ ਤਲ ਅਵੀਵ ਪਹੁੰਚੇਗੀ।
ਇਹ ਭਾਰਤ ਕੱਲ੍ਹ ਸਵੇਰੇ ਵਾਪਸ ਆ ਜਾਵੇਗੀ।
ਬਾਗਚੀ ਨੇ ਕਿਹਾ ਕਿ ਅਸੀਂ ਭਾਰਤ ਦੇ ਪ੍ਰਤੀਨਿਧੀ ਦਫ਼ਤਰ ਅਤੇ ਤਲ ਅਵੀਵ ਵਿੱਚ ਸਥਿਤ ਦੂਤਾਵਾਸ ਦੇ ਸੰਪਰਕ ਵਿੱਚ ਹਾਂ।
ਉਨ੍ਹਾਂ ਦੱਸਿਆ ਕਿ ਇਜ਼ਰਾਈਲ 'ਚ ਲਗਭਗ 18 ਹਜ਼ਾਰ ਭਾਰਤੀ ਹਨ।
ਬਾਗਚੀ ਨੇ ਕਿਹਾ ਕਿ ਲਗਭਗ 12 ਭਾਰਤੀ ਨਾਗਰਿਕ ਵੈਸਟ ਬੈਂਕ ਵਿੱਚ ਹਨ, ਇਸ ਤੋਂ ਇਲਾਵਾ ਗਾਜ਼ਾ ਵਿੱਚ ਤਿੰਨ-ਚਾਰ ਨਾਗਰਿਕ ਹਨ, ਇਨ੍ਹਾਂ ਵਿੱਚੋਂ ਕਿਸੇ ਨੇ ਵੀ ਇੱਥੋਂ ਕੱਢਣ ਦੀ ਬੇਨਤੀ ਨਹੀਂ ਕੀਤੀ ਹੈ, ਸਾਨੂੰ ਇਜ਼ਰਾਈਲ ਤੋਂ ਬੇਨਤੀਆਂ ਪ੍ਰਾਪਤ ਹੋਈਆਂ ਹਨ।
ਉਨ੍ਹਾਂ ਦੱਸਿਆ ਕਿ ਇੱਕ ਭਾਰਤੀ ਜ਼ਖ਼ਮੀ ਹੈ, ਅਸੀਂ ਉਸ ਦੇ ਸੰਪਰਕ ਵਿੱਚ ਹਾਂ, ਉਹ ਹਸਪਤਾਲ ਵਿੱਚ ਹੈ ਅਤੇ ਉਸਦੀ ਹਾਲਤ ਠੀਕ ਦੱਸੀ ਜਾ ਰਹੀ ਹੈ।
