29.19C Vancouver 29.19C VancouverDec 18, 2020 10:24 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਹਾਲ ਦਾ ਡਾਟਾ ਦਰਸ਼ਾਉਂਦਾ ਹੈ ਕਿ ਦੇਸ਼ 'ਚ ਓਪਿਓਇਡ ਸੰਕਟ ਸੰਬੰਧੀ ਮੌਤਾਂ ਬੇਹੱਦ ਵਧ ਗਈਆਂ ਹਨ।
ਉਨ੍ਹਾਂ ਕਿਹਾ ਕਿ ਇਹ ਡਾਟਾ ਦਰਸ਼ਾਉਂਦਾ ਹੈ ਕਿ ਕੋਵਿਡ-19 ਪੈਂਡੇਮਿਕ ਵਿਚਾਲੇ ਓਵਰਡੋਜ਼ ਸੰਕਟ 'ਚ ਵਾਧਾ ਹੋਇਆ ਹੈ।
ਡਾ. ਟੈਮ ਨੇ ਦੱਸਿਆ ਕਿ ਇਸ ਸਾਲ ਅਪ੍ਰੈਲ ਤੋਂ ਜੂਨ ਦੇ ਵਿਚਾਲੇ, ਦੇਸ਼ 'ਚ ਓਪਿਓਇਡ ਸੰਬੰਧੀ ਮੌਤਾਂ ਦੀ ਗਿਣਤੀ 1,600 ਤੋਂ ਵਧੇਰੇ ਰਹੀ ਸੀ।
ਡਾ. ਟੈਮ ਨੇ ਕਿਹਾ ਕਿ ਦੇਸ਼ ਦੇ ਕਈ ਹਿੱਸਿਆਂ 'ਚ ਪੈਂਡੇਮਿਕ ਤੋਂ ਪਹਿਲਾਂ ਸੰਕੇਤ ਮਿਲ ਰਹੇ ਸਨ ਕਿ ਇਸ ਸੰਕਟ ਨਾਲ ਜੁੜੀਆਂ ਮੌਤਾਂ ਕੁਝ ਘਟ ਰਹੀਆਂ ਸਨ।
ਉਨ੍ਹਾਂ ਕਿਹਾ ਕਿ ਇੰਜ ਜਾਪਦਾ ਹੈ ਕਿ ਕੋਵਿਡ-19 ਪੈਂਡੇਮਿਕ ਨੇ ਉਸ ਸਥਿਤੀ ਨੂੰ ਬਦਲ ਦਿੱਤਾ ਹੈ।
ਉਨ੍ਹਾਂ ਕਿਹਾ ਕਿ ਦੇਸ਼ 'ਚ ਵਾਇਰਸ ਸੰਬੰਧੀ ਕੇਸਲੋਡ 'ਚ ਵੀ ਵਾਧਾ ਹੋਇਆ ਹੈ, ਅਤੇ ਬੀਤੇ ਹਫ਼ਤੇ ਦੀ ਪ੍ਰਤੀ ਦਿਨ ਦੀ ਔਸਤ ਅਨੁਸਾਰ 6,650 ਇਨਫੈਕਸ਼ਨਸ ਰਿਪੋਰਟ ਹੋ ਰਹੀਆਂ ਹਨ।
