19.12C Vancouver 19.12C VancouverMay 14, 2022 12:13 AM - Connect News
ਬ੍ਰਿਟਿਸ਼ ਕੋਲੰਬੀਆ ਦੇ ਇੱਕ ਆਦਮੀ ਨੂੰ ਸਜਾ ਸੁਣਾਈ ਗਈ ਹੈ।
ਮਾਮਲਾ ਵਿਦੇਸ਼ ਤੋਂ ਕੈਨੇਡਾ 'ਚ ਓਪੀਅਮ ਯਾਨੀ ਕਿ ਅਫੀਮ ਦੇ ਇੰਪੋਰਟ ਨਾਲ ਸੰਬੰਧਤ ਹੈ।
ਸ਼ੁੱਕਰਵਾਰ ਨੂੰ ਜਾਰੀ ਇੱਕ ਨਿਊਜ਼ ਰਿਲੀਜ 'ਚ ਪੁਲਿਸ ਦਾ ਕਹਿਣਾ ਸੀ ਕਿ ਆਦਮੀ ਨੂੰ ਬੀਤੇ ਮਹੀਨੇ 3 ਸਾਲ ਦੀ ਕੈਦ ਸੁਣਾਈ ਗਈ ਹੈ।
ਮਾਮਲਾ 2kg ਅਫੀਮ ਦੀ ਤਸਕਰੀ ਨਾਲ ਸੰਬੰਧਤ ਹੈ।
ਮਾਮਲੇ 'ਚ ਜਾਂਚ ਸਾਲ 2017 'ਚ ਸ਼ੁਰੂ ਹੋਈ ਸੀ।
ਬੀ.ਸੀ. 'ਚ ਪੁਲਿਸ ਅਫਸਰਾਂ ਨੇ ਜਰਮਨੀ ਦੇ ਅਧਿਕਾਰੀਆਂ ਨਾਲ ਮਿਲ ਕੇ ਜਾਂਚ ਸ਼ੁਰੂ ਕੀਤੀ ਸੀ।
ਮਾਮਲਾ ਟ੍ਰਾਂਸਨੈਸ਼ਨਲ ਡਰੱਗ ਇੰਪੋਰਟੇਸ਼ਨ ਆਪਰੇਸ਼ਨ ਨਾਲ ਸੰਬੰਧਤ ਸੀ।
ਜਾਂਚ ਦੌਰਾਨ ਜਰਮਨ ਫੈਡਰਲ ਪੁਲਿਸ ਨੇ ਹਾਮਿਦ ਨੇਮਾਤੀ ਸ਼ਿਰਾਜੀ ਨਾਮ ਦੇ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਸੀ।
ਜਰਮਨ ਪੁਲਿਸ ਨੇ ਇੱਕ ਸ਼ਿਪਮੈਂਟ ਦੀ ਜਾਣਕਾਰੀ ਆਰ.ਸੀ.ਐਮ.ਪੀ. ਨਾਲ ਸਾਂਝੀ ਕੀਤੀ।
ਇਹ ਪੈਕੇਜ ਕੋਕਟਲਮ ਭੇਜਿਆ ਜਾ ਰਿਹਾ ਸੀ ਪਰ ਪੁਲਿਸ ਨੇ ਇਸ ਨੂੰ ਟੋਰੌਂਟੋ 'ਚ ਇੰਟਰਸੈਪਟ ਕੀਤਾ।
ਪੁਲਿਸ ਨੂੰ ਪੈਕੇਜ ਵਿੱਚ ਇੱਕ ਸਪੀਕਰ ਮਿਲਿਆ ਜਿਸ ਨੂੰ ਖੋਲ੍ਹਣ 'ਤੇ ਅੰਦਰੋਂ 2kg ਅਫੀਮ ਬਰਾਮਦ ਹੋਈ।
ਜਾਂਚ ਦੌਰਾਨ ਕੈਨੇਡਾ ਦੇ ਹਾਮਿਦ ਮੌਦਰੇਕ ਨਾਜਾਫਾਬਾਦੀ 'ਤੇ ਦੋਸ਼ ਲੱਗੇ।
ਉਸ ਨੂੰ 29 ਅਪ੍ਰੈਲ ਨੂੰ ਸਜਾ ਸੁਣਾਈ ਗਈ।
