21.02C Vancouver 21.02C VancouverOct 23, 2020 12:34 AM -
ਬ੍ਰਿਟਿਸ਼ ਕੋਲੰਬੀਆ ਦੀਆਂ ਤਿੰਨੇ ਪ੍ਰਮੁੱਖ ਪਾਰਟੀਆਂ ਦੇ ਲੀਡਰ, ਚੋਣਾਂ ਤੋਂ ਸਿਰਫ ਦੋ ਦਿਨ ਪਹਿਲਾਂ ਵੋਟਰਾਂ ਨੂੰ ਖਿੱਚਣ ਦੇ ਆਖਰੀ ਯਤਨ ਕਰ ਰਹੇ ਹਨ।
ਐਨ.ਡੀ.ਪੀ. ਲੀਡਰ ਜੌਨ ਹੌਰਗਨ ਨੇ ਅੱਜ ਕਿਹਾ ਕਿ ਪਾਰਟੀ ਨੇ ਹੈਲਥ ਕੇਅਰ ਦੇ ਖੇਤਰ 'ਚ ਸਭ ਤੋਂ ਵੱਧ ਪੈਸਾ ਦੇਣ ਦਾ ਵਾਅਦਾ ਕੀਤਾ ਹੈ, ਜਿਸ ਨਾਲ ਕੋਵਿਡ-19 ਦੀ ਦੂਜੀ ਵੇਵ ਨਾਲ ਨਜਿੱਠਣ 'ਚ ਸਹਿਯੋਗ ਮਿਲੇਗਾ।
ਜੌਨ ਹੌਰਗਨ ਨੇ ਅੱਜ ਬੀ.ਸੀ. ਗ੍ਰੀਨ ਪਾਰਟੀ ਲੀਡਰ ਦੇ ਚੋਣਾਂ ਨੂੰ ਕੋਵਿਡ-19 ਵਿਚਾਲੇ ਕਰਵਾਉਣ ਨੂੰ 'ਅਸੁਰੱਖਿਅਤ' ਦੱਸਣ 'ਤੇ ਜਵਾਬੀ ਬਿਆਨ ਦਿੱਤੇ ਹਨ।
ਹੌਰਗਨ ਨੇ ਕਿਹਾ ਕਿ ਉਨ੍ਹਾਂ ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ ਅਤੇ ਇਲੈਕਸ਼ਨਸ ਬੀ.ਸੀ. ਨੂੰ ਸੁਣਿਆ ਹੈ, ਜਿੰਨਾ ਕਿਹਾ ਹੈ ਕਿ ਚੋਣਾਂ ਸੁਰੱਖਿਅਤ ਤਰੀਕੇ ਨਾਲ ਕਰਵਾਈਆਂ ਜਾ ਸਕਦੀਆਂ ਹਨ।
ਗ੍ਰੀਨ ਪਾਰਟੀ ਲੀਡਰ ਫਰਸਟੇਨਾਊ ਨੇ ਬੀਤੇ ਕੱਲ ਸਿਡਨੀ 'ਚ ਕਿਹਾ ਸੀ ਕਿ ਚੋਣਾਂ ਦੇ ਐਲਾਨ ਤੋਂ ਬਾਅਦ, ਬੀ.ਸੀ. 'ਚ ਵਾਇਰਸ ਸੰਕ੍ਰਮਣ ਦੇ ਮਾਮਲਿਆਂ 'ਚ ਵਾਧਾ ਹੋਇਆ ਹੈ। ਉਨ੍ਹਾਂ ਕਿਹਾ ਸੀ ਕਿ ਬੁੱਧਵਾਰ ਨੂੰ ਬੀ.ਸੀ. 'ਚ ਕੋਵਿਡ-19 ਮਾਮਲਿਆਂ ਦਾ ਨਵਾਂ ਰਿਕਾਰਡ ਬਣ ਗਿਆ ਸੀ, ਜਦ 203 ਮਾਮਲੇ ਰਿਪੋਰਟ ਹੋਏ।
ਉਧਰ ਸੋਨੀਆ ਫਰਸਟੇਨਾਊ ਦਾ ਕਹਿਣਾ ਹੈ ਕਿ ਲੌਂਗ ਟਰਮ ਫੂਡ ਸਸਟੇਨੇਬਿਲਿਟੀ ਰਣਨੀਤੀ ਬਣਾਈ ਜਾਵੇਗੀ।
ਇਸ ਦੇ ਲਈ ਫੂਡ ਪ੍ਰੋਡਕਸ਼ਨ ਲਈ ਵਰਤੋਂ 'ਚ ਲਿਆਂਦੇ ਜਾਣ ਵਾਲੀ ਜ਼ਮੀਨ 'ਚ ਵਾਧਾ ਕੀਤਾ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਘੱਟ ਇਨਕਮ ਵਾਲੇ ਨਿਵਾਸੀਆਂ ਲਈ ਚੰਗੀ ਕਵਾਲਿਟੀ ਵਾਲੇ ਖਾਣੇ ਦੀ ਉਪਲਬਧਤਾ ਬਣ ਸਕੇਗੀ।
ਗ੍ਰੀਨ ਪਾਰਟੀ ਦਾ ਕਹਿਣਾ ਹੈ ਕਿ ਸਨੈਪ ਇਲੈਕਸ਼ਨ ਦੇ ਐਲਾਨ ਤੋਂ ਇੱਕ ਹਫ਼ਤਾ ਪਹਿਲਾਂ, ਸੋਨੀਆ ਫਰਸਟੇਨਾਊ ਵੱਲੋਂ ਪਾਰਟੀ ਦੀ ਕਮਾਨ ਸੰਭਾਲੇ ਜਾਣ ਤੋਂ ਬਾਅਦ, ਪਾਰਟੀ ਹੁਣ ਤੱਕ $8,50,000 ਦੇ ਕਰੀਬ ਡੋਨੇਸ਼ਨ ਹਾਸਿਲ ਕਰ ਚੁੱਕੀ ਹੈ।
ਪਾਰਟੀ ਦਾ ਕਹਿਣਾ ਹੈ ਕਿ ਬੀਤੀਆਂ ਚੋਣਾਂ ਦੇ ਫੰਡਰੇਜ਼ਿੰਗ ਦੇ ਰਿਕਾਰਡ ਟੁੱਟ ਗਏ ਹਨ।
ਦੂਜੇ ਪਾਸੇ ਲਿਬਰਲ ਲੀਡਰ ਐਂਡਰਿਊ ਵਿਲਕਿੰਸਨ ਅੱਜ ਡੈਲਟਾ, ਕੋਕਟਲਮ ਅਤੇ ਵੈਨਕੂਵਰ ਪਹੁੰਚ ਰਹੇ ਹਨ।
ਇਸ ਤੋਂ ਇਲਾਵਾ ਉਹ ਰਿਚਮੰਡ 'ਚ ਇੱਕ ਰੈਲੀ 'ਚ ਹਿੱਸਾ ਲੈਣ ਜਾ ਰਹੇ ਹਨ।
