14.14C Vancouver 14.14C VancouverAug 10, 2020 3:43 PM -
ਹਾਊਸ ਆਫ ਕਾਮਨਜ਼ ਦੀ ਫਾਈਨਾਂਸ ਕਮੇਟੀ ਦੇ ਵਿਰੋਧੀ ਐੱਮ.ਪੀ. ਕੈਨੇਡਾ ਮੋਰਗੇਜ ਐਂਡ ਹਾਊਸਿੰਗ ਕਾਰਪੋਰੇਸ਼ਨ ਅਤੇ ਉਸ ਕੰਪਨੀ ਵਿਚਕਾਰ ਹੋਏ ਸਮਝੌਤੇ ਬਾਰੇ ਹੋਰ ਜਾਣਨਾ ਚਾਹੁੰਦੇ ਹਨ ਜਿਸ ਦੇ ਨਾਲ ਪ੍ਰਧਾਨ ਮੰਤਰੀ ਦੇ ਚੀਫ ਆਫ ਸਟਾਫ ਦੇ ਪਤੀ ਕੰਮ ਕਰਦੇ ਹਨ।
ਕੇਟੀ ਟੈਲਫੋਰਡ ਦੇ ਪਤੀ ਰੌਬ ਸਿਲਵਰ ਐੱਮ-ਕੈਪ ਨਾਂ ਦੀ ਕੰਪਨੀ ਦੇ ਇਗਜ਼ੈਕਟਿਵ ਵਾਈਸ ਪ੍ਰੈਜ਼ੀਡੈਂਟ ਹਨ ਅਤੇ ਇਹ ਉਹੀ ਕੰਪਨੀ ਹੈ ਜਿਸ ਨੂੰ ਸਰਕਾਰ ਨੇ ਕੋਵਿਡ -19 ਤੋਂ ਪ੍ਰਭਾਵਿਤ ਹੋਏ ਛੋਟੇ ਵਪਾਰਾਂ ਦੇ ਸਹਿਯੋਗ ਲਈ ਉਪਲੱਬਧ ਕਰਵਾਏ ਜਾ ਰਹੇ ਰੈਂਟ ਅਸਿਸਟੈਂਸ ਪ੍ਰੋਗਰਾਮ ਦੀ ਵਾਗਡੋਰ ਸੰਭਾਲਣ ਲਈ ਚੁਣਿਆ ਹੈ।
ਪ੍ਰਧਾਨ ਮੰਤਰੀ ਦੇ ਦਫਤਰ ਮੁਤਾਬਕ ਜਨਵਰੀ ਵਿੱਚ ਟੈਲਫੋਰਡ ਵੱਲੋਂ ਆਪਣੇ ਅਤੇ ਐੱਮ-ਕੈਪ ਵਿਚਕਾਰ ਸਪੱਸ਼ਟ ਨੈਤਿਕ ਸੀਮਾਵਾਂ ਸਥਾਪਤ ਕਰ ਲਈਆਂ ਗਈਆਂ ਸਨ।
ਸੀ.ਐੱਮ.ਐੱਚ.ਸੀ. ਮੁਤਾਬਕ ਉਨ੍ਹਾਂ ਕੋਲ ਇਸ ਪ੍ਰੋਗਰਾਮ ਨੂੰ ਜਲਦ ਤੋਂ ਜਲਦ ਸ਼ੁਰੂ ਕਰਨ ਲਈ ਸਾਧਨ ਨਹੀਂ ਸਨ ਅਤੇ ਉਸ ਨੇ ਦੋ ਵਿੱਤੀ ਸੰਸਥਾਵਾਂ ਤੋਂ ਬੋਲੀ ਮੰਗੀ ਅਤੇ ਐੱਮ.ਕੈਪ. ਦਾ ਪ੍ਰਸਤਾਵ ਮਜ਼ਬੂਤ ਅਤੇ ਖਰਚਾ ਘੱਟ ਹੋਣ ਕਾਰਨ ਉਸ ਨੂੰ ਚੁਣਿਆ ਗਿਆ।
ਇਹ ਗੱਲ ਫਿਲਹਾਲ ਸਪੱਸ਼ਟ ਨਹੀਂ ਹੈ ਕਿ ਹਾਊਸ ਆਫ ਕਾਮਨਜ਼ ਦੀ ਫਾਇਨਾਂਸ ਕਮੇਟੀ ਨੂੰ 'ਵੀ' ਸੰਗਠਨ ਦੇ ਵਿਵਾਦ ਦੇ ਮਾਮਲੇ ਵਿੱਚ 5000 ਤੋਂ ਵੱਧ ਸਫ਼ਿਆਂ ਦੇ ਦਸਤਾਵੇਜ਼ ਕੱਦ ਹਾਸਲ ਹੋਣਗੇ।
ਵਕੀਲ ਇਨ੍ਹਾਂ ਦਸਤਾਵੇਜ਼ਾਂ ਤੋਂ ਨਿੱਜੀ ਜਾਣਕਾਰੀ ਅਤੇ ਕੈਬਨਿਟ ਦੇ ਭੇਦ ਹਾਸਲ ਕਰਨਾ ਚਾਹੁੰਦੇ ਹਨ।
ਵਿਰੋਧੀ ਪਾਰਟੀਆਂ ਦੇ ਮੈਂਬਰਾਂ ਨੂੰ ਉਮੀਦ ਹੈ ਕਿ ਇਨ੍ਹਾਂ ਰਾਹੀਂ ਇਸ ਗੱਲ ਦਾ ਖ਼ੁਲਾਸਾ ਹੋ ਸਕੇਗਾ ਕਿ ਸਰਕਾਰ ਦੇ ਸਟੂਡੈਂਟ ਵਾਲੰਟੀਅਰ ਪ੍ਰੋਗਰਾਮ ਦੀ ਵਾਗਡੋਰ 'ਵੀ' ਸੰਸਥਾ ਨੂੰ ਦੇਣ ਪਿੱਛੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਸੰਸਥਾ ਨਾਲ ਨੇੜਤਾ ਦਾ ਕਿੰਨਾ ਹੱਥ ਸੀ।
