ਵਿਰੋਧੀ ਧਿਰ ਪੋਇਲੀਵਰੇੇ ’ਤੇ ਹਮਲਾ ਕਰਨ ਵਾਲੀ ਲਿਬਰਲ ਪੋਸਟ ਨੂੰ ਲੈ ਕੇ ਕਰਨਾ ਪੈ ਰਿਹੈ ਆਲੋਚਨਾਵਾਂ ਦਾ ਸਾਹਮਣਾ

ਕੈਨੇਡਾ ਦੀ ਹਾਊਸ ਆਫ਼ ਕਾਮਨ ਦੇ ਸਪੀਕਰ ਗ੍ਰੇਗ ਫਰਗਸ ਨੂੰ ਆਪਣੇ ਹਲਕੇ ਵਿਚ ਆਉਣ ਵਾਲੇ ਈਵੈਂਟ ਲਈ ਇੱਕ ਐਡ ਵਿਚ ਪੋਇਲੀਵਰੇ ਅਤੇ ਕੰਜ਼ਰਵੇਟਿਵਸ ’ਤੇ ਹਮਲਾ ਬੋਲਣ ਨੂੰ ਲੈ ਕੇ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਕੰਜ਼ਰਵੇਟਿਵਸ ਦਾ ਕਹਿਣਾ ਹੈ ਕਿ 4 ਜੂਨ ਨੂੰ ਹੋਣ ਵਾਲੇ ਈਵੈਟ ਲਈ ਦਿੱਤੀ ਗਈ ਐਡ ਵਿਚ ਪੀਅਰੇ ਪੋਇਲੀਵਰੇ ਅਤੇ ਕੰਜ਼ਰਵੇਟਿਵਸ ਖਿਲਾਫ ਜੋ ਭਾਸ਼ਾ ਵਰਤੀ ਗਈ ਉਸ ਲਈ ਫਰਗਸ ਨੂੰ ਅਸਤੀਫਾ ਦੇਣਾ ਚਾਹੀਦਾ ਹੈ।

ਇਹ ਐੱਡ ਲਿਬਰਲ ਪਾਰਟੀ ਦੀ ਵੈੱਬਸਾਈਟ ’ਤੇ ਦਿੱਤੀ ਗਈ ਸੀ ਜੋ ਬਾਅਦ ਵਿਚ ਹਟਾ ਦਿੱਤੀ ਗਈ। ਕੰਜ਼ਰਵੇਟਿਵ ਐਮਪੀ ਕ੍ਰਿਸ ਵਾਰਕੇਨਟਿਨ ਨੇ ਕਿਹਾ ਕਿ ਫਰਗਸ ਨੂੰ ਸਪੀਕਰ ਹੋਣ ਦੇ ਨਾਤੇ ਸਾਰੇ ਐੱਮ.ਪੀ. ਦਾ ਵਿਸ਼ਵਾਸ ਬਣਾਈ ਰੱਖਣ ਲਈ ਹਰ ਸਮੇਂ ਨਿਰਪੱਖ ਰਹਿਣਾ ਚਾਹੀਦਾ ਹੈ ਪਰ ਉਹ ਪੱਖਪਾਤੀ ਰਵੱਈਆ ਵਰਤ ਰਹੇ ਹਨ। ਕੰਜ਼ਰਵੇਟਿਵਸ ਨੇ ਸਪੀਕਰ ’ਤੇ ਇੱਕ ਮਹੀਨੇ ਵਿਚ ਦੂਜੀ ਵਾਰ ਪੱਖਪਾਤੀ ਹੋਣ ਦੇ ਦੋਸ਼ ਲਗਾਏ ਹਨ।

ਇਸ ਤੋਂ ਪਹਿਲਾਂ ਦਸੰਬਰ ਵਿਚ ਫਰਗਸ ਨੇ ਓਨਟਾਰੀਓ ਲਿਬਰਲ ਦੇ ਲੀਡਰਸ਼ਿਪ ਸਮਾਰੋਹ ਲਈ ਸਪੀਕਰ ਦੀ ਪੁਸ਼ਾਕ ਵਿਚ ਹਾਊਸ ਤੋਂ ਇੱਕ ਵੀਡੀਓ ਸੰਦੇਸ਼ ਜਾਰੀ ਕੀਤਾ ਸੀ, ਜਿਸ ਤੋਂ ਬਾਅਦ ਕੰਜ਼ਰਵੇਟਿਵਸ ਅਤੇ ਬਲਾਕ ਕਿਊਬੇਕੋਇਸ ਦੇ ਐਮ.ਪੀ ਵਲੋਂ ਉਨ੍ਹਾਂ ਦੇ ਅਸਤੀਫ਼ੇ ਦੀ ਮੰਗ ਕੀਤੀ ਗਈ ਸੀ।