17.18C Vancouver 17.18C VancouverJun 1, 2022 10:31 PM - THE CANADIAN PRESS
160 ਸਾਲਾਂ ਤੋਂ ਵੱਧ ਸਮੇਂ ਦੌਰਾਨ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਕਈ ਰਿਹਾਇਸ਼ੀ ਸਕੂਲਾਂ ਅਤੇ 10 ਹਸਪਤਾਲਾਂ ਵਿੱਚ ਕੰਮ ਕਰਨ ਵਾਲੀ ਓਰਡਰ ਆਫ ਨਨਜ਼ ਸੰਸਥਾ ਆਪਣੇ ਪੁਰਾਲੇਖਾਂ ਦੀ ਮਲਕੀਅਤ ਨੂੰ ਰਾਇਲ ਬੀ.ਸੀ. ਮਯੂਜ਼ੀਅਮ ਨੂੰ ਸੌਂਪ ਰਹੀ ਹੈ।
ਅਜਾਇਬ ਘਰ ਅਤੇ ਸਿਸਟਰਜ਼ ਆਫ ਸੇਂਟ ਐਨ ਨੇ ਬੁੱਧਵਾਰ ਨੂੰ ਇੱਕ ਸਾਂਝੇ ਬਿਆਨ ਵਿੱਚ ਐਲਾਨ ਕੀਤਾ ਕਿ ਤਬਾਦਲੇ ਵਿੱਚ ਤੇਜ਼ੀ ਲਿਆਂਦੀ ਜਾਵੇਗੀ ਅਤੇ ਰਿਕਾਰਡਾਂ ਨੂੰ ਡਿਜੀਟਲ ਕਰਨ ਦੀ ਆਗਿਆ ਦਿੱਤੀ ਜਾਵੇਗੀ।
ਮਯੂਜ਼ੀਅਮ ਦੀ ਸੀ.ਈ.ਓ. ਐਲੀਸੀਆ ਡੁਬੋਇਸ ਦਾ ਕਹਿਣਾ ਹੈ ਕਿ ਸੱਚਾਈ ਅਤੇ ਸੁਲ੍ਹਾ ਦੀਆਂ ਕੋਸ਼ਿਸ਼ਾਂ ‘ਚ ਵਿਆਪਕ ਰਿਹਾਇਸ਼ੀ ਸਕੂਲ ਦੇ ਰਿਕਾਰਡਾਂ ਦੀ ਪਹੁੰਚ ‘ਚ ਪਾਰਦਰਸ਼ਤਾ ਜ਼ਰੂਰੀ ਹੈ।
ਓਰਡਰ ਆਫ ਨਨਜ਼ ਦੇ ਮੈਂਬਰਾਂ ਨੇ ਕੈਂਮਪਲੂਪਸ ਇੰਡੀਅਨ ਰੈਜ਼ੀਡੈਂਸ਼ੀਅਲ ਸਕੂਲ ਵਿੱਚ ਕੰਮ ਕੀਤਾ ਸੀ, ਜਿੱਥੇ ਸਥਾਨਕ ਫਸਟ ਨੇਸ਼ਨ ਨੇ ਸੈਂਕੜੇ ਬੱਚਿਆਂ ਦੇ ਅਵਸ਼ੇਸ਼ਾਂ ਦੀ ਪਛਾਣ ਕਰਨ ਲਈ ਹੋਰ ਦਸਤਾਵੇਜ਼ ਮੰਗੇ ਹਨ ਜਿਨ੍ਹਾਂ ਬੱਚਿਆਂ ਬਾਰੇ ਵਿਸ਼ਵਾਸ ਕੀਤਾ ਜਾਂਦਾ ਹੈ ਕਿ ਉਹ ਸਾਬਕਾ ਸਕੂਲ ਦੇ ਨੇੜੇ ਦਫ਼ਨਾਏ ਗਏ ਸਨ।
ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਸਿਸਟਰਜ਼ ਇਸ ਪ੍ਰਕਿਰਿਆ ਦੇ ਪ੍ਰਬੰਧਨ ਵਿੱਚ ਮਦਦ ਕਰਨ ਲਈ ਇੱਕ ਪੁਰਾਲੇਖਵਾਦੀ ਨੂੰ ਫੰਡ ਦੇਣਗੀਆਂ, ਜਦਕਿ ਅਜਾਇਬ ਘਰ ਰਿਹਾਇਸ਼ੀ ਸਕੂਲ ਤੋਂ ਬਚੇ ਲੋਕਾਂ, ਉਹਨਾਂ ਦੇ ਪਰਿਵਾਰਾਂ ਅਤੇ ਮੂਲ ਨਿਵਾਸੀ ਭਾਈਚਾਰਿਆਂ ਨੂੰ ਇਨ੍ਹਾਂ ਪੁਰਾਲੇਖਾਂ ਤੱਕ ਪਹੁੰਚ ਦੀ ਆਗਿਆ ਦੇਣ ਲਈ ਜ਼ਿੰਮੇਵਾਰ ਹੋਵੇਗਾ।
ਸਿਸਟਰਜ਼ ਆਫ ਸੇਂਟ ਐਨ ਦੀ ਪ੍ਰਧਾਨ ਸਿਸਟਰ ਮੈਰੀ ਜ਼ੈਰੋਵਿਨ ਦਾ ਕਹਿਣਾ ਹੈ ਕਿ ਉਹ ਮੰਨਦੇ ਹਨ ਕਿ ਪੁਰਾਲੇਖਾਂ ਤੱਕ ਪਹੁੰਚ ਸਵਦੇਸ਼ੀ ਲੋਕਾਂ ਨਾਲ ਸੁਲ੍ਹਾ ਕਰਨ ਦੀ ਦਿਸ਼ਾ ਵਿੱਚ ਸਿਰਫ ਇੱਕ ਕਦਮ ਹੈ।
