14.11C Vancouver 14.11C VancouverFeb 1, 2022 8:31 PM - The Canadian Press
ਔਟਵਾ 'ਚ ਜਾਰੀ ਟਰੱਕਰਸ ਦੇ ਪ੍ਰਦਰਸ਼ਨ ਸੰਬੰਧੀ ਪ੍ਰਬੰਧਕਾਂ ਦਾ ਕਹਿਣਾ ਹੈ ਕਿ ਫਿਲਹਾਲ ਇਹ ਪ੍ਰਦਰਸ਼ਨ ਜਾਰੀ ਰੱਖਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਪ੍ਰਬੰਧਕਾਂ ਦਾ ਕਹਿਣਾ ਹੈ ਕਿ ਪ੍ਰਦਰਸ਼ਨ ਜਾਰੀ ਰੱਖਣ ਲਈ ਟਰੱਕਰਸ ਨੂੰ ਤੇਲ ਦੀ ਵੰਢ ਕੀਤੀ ਜਾ ਰਹੀ ਹੈ ਅਤੇ ਸਪਲਾਈਸ ਪਹੁੰਚਾਏ ਜਾ ਰਹੇ ਹਨ।
ਪ੍ਰਬੰਧਕ ਪੈਟ ਕਿੰਗ ਨੇ ਇੱਕ ਵੀਡੀਓ ਜਾਰੀ ਕਰ ਆਖਿਆ ਹੈ ਕਿ ਇਹ ਪ੍ਰਦਰਸ਼ਨ ਚੰਗੇ ਢੰਗ ਨਾਲ ਚੱਲ ਰਹੇ ਹਨ ਅਤੇ ਇਨ੍ਹਾਂ ਪ੍ਰਦਰਸ਼ਨਾਂ ਵਿਚਾਲੇ ਔਟਵਾ ਰੁਕ ਗਿਆ ਹੈ।
ਔਟਵਾ ਗੈਟਿਨਿਊ ਹੋਟਲ ਐਸੋਸੀਏਸ਼ਨ ਦੇ ਪ੍ਰਧਾਨ ਦਾ ਕਹਿਣਾ ਹੈ ਕਿ ਕੁਝ ਪ੍ਰਦਰਸ਼ਨਕਾਰੀਆਂ ਨੇ ਆਪਣੇ ਰੁਕਣ ਦੇ ਦਿਨਾਂ 'ਚ ਵਾਧਾ ਕਰਵਾ ਲਿਆ ਹੈ।
ਉਨ੍ਹਾਂ ਕਿਹਾ ਕਿ ਕਈ ਪ੍ਰਦਰਸ਼ਨਕਾਰੀ ਆਉਂਦੇ ਵੀਕਐਂਡ ਲਈ ਹੁਣੇ ਤੋਂ ਬੁਕਿੰਗ ਹਾਸਿਲ ਕਰ ਰਹੇ ਹਨ।
ਹਾਲਾਂਕਿ ਕਈ ਸਿਆਸਤਦਾਨ ਇਨ੍ਹਾਂ ਪ੍ਰਦਰਸ਼ਨਕਾਰੀਆਂ ਨੂੰ ਵਾਪਿਸ ਪਰਤਣ ਲਈ ਆਖ ਰਹੇ ਹਨ।
ਔਂਟੈਰੀਓ ਦੇ ਪ੍ਰੀਮਿਅਰ ਡਗ ਫੋਰਡ ਨੇ ਕਿਹਾ ਹੈ ਕਿ ਪ੍ਰਦਰਸ਼ਨ 'ਚ ਸ਼ਾਮਿਲ ਲੋਕਾਂ ਨੇ ਆਪਣੀ ਗੱਲ ਰੱਖ ਦਿੱਤੀ ਹੈ ਅਤੇ ਹੁਣ ਉਨ੍ਹਾਂ ਨੂੰ ਘਰਾਂ ਨੂੰ ਪਰਤ ਜਾਣਾ ਚਾਹੀਦਾ ਹੈ।
ਜਸਟਿਸ ਮੰਤਰੀ ਡੇਵਿਡ ਲਾਮੈਟੀ ਨੇ ਕਿਹਾ ਹੈ ਕਿ ਔਟਵਾ 'ਚ ਹੁਣ ਜੋ ਕੁਝ ਹੋ ਰਿਹਾ ਹੈ ਉਸ ਨੂੰ ਲੈਜੀਟੀਮੇਟ ਪਰੋਟੈਸਟ ਨਹੀਂ ਮੰਨਿਆ ਜਾ ਸਕਦਾ।
