11.7C Vancouver 11.7C VancouverSep 2, 2020 9:31 PM -
ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੇ ਅੱਜ ਪਾਰਟੀ 'ਚ ਕਈ ਅਹੁਦਿਆਂ ਸੰਬੰਧੀ ਐਲਾਨ ਕੀਤਾ ਹੈ।
ਮੈਨੀਟੋਬਾ ਐਮ.ਪੀ. ਕੈਂਡਿਸ ਬਰਗਨ ਨੂੰ ਪਾਰਟੀ ਦੇ ਡਿਪਟੀ ਲੀਡਰ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।
ਬਰਗਨ ਨੂੰ ਪਹਿਲੀ ਵਾਰ ਸਾਲ 2008 'ਚ ਚੁਣਿਆ ਗਿਆ ਸੀ ਅਤੇ ਉਹ ਸਟੀਫਨ ਹਾਰਪਰ ਦੀ ਸਰਕਾਰ 'ਚ ਜੂਨੀਅਰ ਕੈਬਿਨੇਟ ਮੰਤਰੀ ਦੀ ਭੂਮਿਕਾ ਨਿਭਾ ਚੁੱਕੇ ਹਨ।
ਉਹ ਕੰਜ਼ਰਵੇਟਿਵਜ਼ ਦੀ ਹਾਊਸ ਲੀਡਰ ਦੀ ਵੀ ਭੂਮਿਕਾ ਨਿਭਾ ਚੁੱਕੀ ਹਨ।
ਯਾਦ ਰਹੇ ਔਂਟੈਰੀਓ ਤੋਂ ਐਮ.ਪੀ. ਲਿਓਨਾ ਐਲਸਲੀ ਨੇ ਜੁਲਾਈ ਦੇ ਮਹੀਨੇ 'ਚ ਪਾਰਟੀ ਦੇ ਡਿਪਟੀ ਲੀਡਰ ਵਜੋਂ ਅਸਤੀਫਾ ਦੇ ਦਿੱਤਾ ਸੀ।
ਕਿਊਬੈਕ ਤੋਂ ਐਮ.ਪੀ. ਜਰਾਰਡ ਡੈਲਟੈਲ ਨੂੰ ਹਾਊਸ ਲੀਡਰ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।
ਇਸ ਦੇ ਨਾਲ ਹੀ ਰਿਚਰਡ ਮਾਰਟੈਲ ਨੂੰ ਕਿਊਬੈਕ ਲਿਊਟਨੈਂਟ ਦੇ ਅਹੁਦੇ 'ਤੇ ਲਿਆਂਦਾ ਗਿਆ ਹੈ।
ਐਰਿਨ ਓ'ਟੂਲ ਨੇ ਕਿਹਾ ਕਿ ਉਹ ਅਗਲੇ ਹਫ਼ਤੇ ਆਪਣੇ ਸਾਰੇ ਸ਼ੈਡੋ ਕੈਬਿਨੇਟ ਦਾ ਐਲਾਨ ਕਰਨ ਬਾਰੇ ਵਿਚਾਰ ਕਰ ਰਹੇ ਹਨ।
