11.43C Vancouver 11.43C VancouverSep 4, 2020 5:22 PM -
ਕਨਜ਼ਰਵੇਟਿਵ ਪਾਰਟੀ ਦੇ ਫੰਡਰੇਜ਼ਿੰਗ ਵਿਭਾਗ ਕੋਲ ਦੋ ਦਹਾਕਿਆਂ ਵਿਚ ਪਹਿਲੀ ਵਾਰ ਨਵਾਂ ਚੇਅਰਪਰਸਨ ਹੋਵੇਗਾ।
ਕਨਜ਼ਰਵੇਟਿਵ ਪਾਰਟੀ ਦੇ ਲੀਡਰ ਏਰਿਨ ਓ'ਟੂਲ ਦੁਆਰਾ ਲੰਬਾ ਸਮਾਂ ਉਨ੍ਹਾਂ ਦਾ ਕੈਮਪੇਨ ਫੰਡਰੇਜ਼ਰ ਸੰਭਾਲਣ ਵਾਲੇ ਜੇਮਜ਼ ਡੌਡਸ ਨੂੰ ਕਨਜ਼ਰਵੇਟਿਵ ਫੰਡ ਦੇ ਚੇਅਰ ਵਜੋਂ ਨੌਮੀਨੇਟ ਕੀਤਾ ਗਿਆ ਹੈ।
ਉਨ੍ਹਾਂ ਵੱਲੋਂ ਸਾਬਕਾ ਸੈਨੇਟਰ ਇਰਵਿੰਗ ਗਰਸਟੀਨ ਦਾ ਸਥਾਨ ਲਿਆ ਜਾਵੇਗਾ, ਜੋ ਆਪਣੇ ਅਹੁਦੇ ਤੋਂ ਰੀਟਾਇਰ ਹੋ ਰਹੇ ਹਨ।
ਇਸ ਨੌਮੀਨੇਸ਼ਨ ਨੂੰ ਪਾਰਟੀ ਦੇ ਨੈਸ਼ਨਲ ਕਾਊਂਸਿਲ ਤੋਂ ਮੰਨਜ਼ੂਰੀ ਦੀ ਜ਼ਰੂਰਤ ਹੋਵੇਗੀ।
ਜ਼ਿਕਰਯੋਗ ਹੈ ਕਿ ਡੌਡਸ, ਟੋਰੋਂਟੋ ਵਿਚ ਟੀ.ਡੀ. ਬੈਂਕ ਗਰੁੱਪ ਦੇ ਵਾਈਸ ਪ੍ਰੈਸੀਡੈਂਟ ਹਨ ਅਤੇ ਉਨ੍ਹਾਂ ਹਮੇਸ਼ਾ ਓ'ਟੂਲ ਦਾ ਸਾਥ ਦਿੱਤਾ ਹੈ।
ਓ'ਟੂਲ ਦੁਆਰਾ 23 ਅਗਸਤ ਨੂੰ ਨਵਾਂ ਪਾਰਟੀ ਲੀਡਰ ਬਨਣ ਤੋਂ ਬਾਅਦ, ਪਾਰਟੀ 'ਤੇ ਆਪਣੀ ਛਾਪ ਛੱਡਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਬੁੱਧਵਾਰ ਨੂੰ ਉਨ੍ਹਾਂ ਵੱਲੋਂ ਆਪਣੀ ਹਾਉਸ ਔਫ਼ ਕੌਮਨਜ਼ ਟੀਮ ਦੇ ਵੀ ਨਾਂ ਉਜਾਗਰ ਕੀਤੇ ਗਏ ਸਨ।
