18.19C Vancouver 18.19C VancouverJan 13, 2022 11:24 PM - The Canadian Press
ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਦਾ ਕਹਿਣਾ ਹੈ ਕਿ ਉਹ ਪ੍ਰੋਵਿੰਸ਼ੀਅਲ ਜਿਉਰਿਸਡਿਕਸ਼ਨ ਦਾ ਸਨਮਾਨ ਕਰਦੇ ਹਨ ਪਰ ਉਹ ਕਿਊਬੈਕ ਦੇ ਪਲੈਨ ਨਾਲ ਸਹਿਮਤ ਨਹੀਂ ਹਨ ਜਿਸ ਤਹਿਤ ਅਨਵੈਕਸੀਨੇਟਿਡ ਲੋਕਾਂ 'ਤੇ ਵਧੇਰੇ ਟੈਕਸ ਲਗਾਉਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਅੱਜ ਇੱਕ ਫੇਸਬੁੱਕ ਲਾਈਵ ਦੌਰਾਨ ਐਰਿਨ ਓ'ਟੂਲ ਨੇ ਕਿਊਬੈਕ ਦੇ ਪ੍ਰੀਮਿਅਰ ਫ੍ਰਾਂਸੂਆ ਲੈਗੌਲਟ ਦੇ ਪ੍ਰਪੋਜ਼ਲ ਬਾਰੇ ਆਪਣਾ ਸਟੈਂਡ ਸਪਸ਼ਟ ਕੀਤਾ ਹੈ।
ਯਾਦ ਰਹੇ ਕਿਊਬੈਕ ਦੇ ਪ੍ਰੀਮਿਅਰ ਫ੍ਰਾਂਸੂਆ ਲੈਗੌਲਟ ਵੱਲੋਂ ਅਨਵੈਕਸੀਨੇਟਿਡ ਲੋਕਾਂ 'ਤੇ ਵਿੱਤੀ ਪੈਨਲਟੀ ਲਗਾਉਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਪ੍ਰੀਮਿਅਰ ਦਾ ਕਹਿਣਾ ਹੈ ਕਿ ਸੂਬੇ ਦੇ ਜਿਹੜੇ ਲੋਕ ਵੈਕਸੀਨ ਹਾਸਿਲ ਕਰਨ ਤੋਂ ਇਨਕਾਰ ਕਰਦੇ ਹਨ ਉਨ੍ਹਾਂ 'ਤੇ ਵਧੇਰੇ ਟੈਕਸ ਲਗਾਏ ਜਾ ਸਕਦੇ ਹਨ।
ਹਾਲਾਂਕਿ ਅਜਿਹਾ ਉਨ੍ਹਾਂ ਐਡਲਟ ਲੋਕਾਂ ਲਈ ਲਾਗੂ ਹੋਵੇਗਾ ਜੋ ਕਿ ਕਿਸੇ ਮੈਡਿਕਲ ਐਗਜੈਂਪਸ਼ਨ ਤਹਿਤ ਕਵਾਲੀਫਾਈ ਨਹੀਂ ਕਰਦੇ ਹਨ।
ਉਧਰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਕਿਊਬੈਕ ਵੱਲੋਂ ਅਨਵੈਕਸੀਨੇਟਿਡ ਲੋਕਾਂ 'ਤੇ ਲਗਾਏ ਜਾ ਰਹੇ ਵਧੇਰੇ ਟੈਕਸ ਸੰਬੰਧੀ ਫਿਲਹਾਲ ਕੋਈ ਟਿੱਪਣੀ ਕਰਨਾ ਜਲਦਬਾਜੀ ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਇਸ ਸੰਬੰਧੀ ਵਧੇਰੇ ਜਾਣਕਾਰੀ ਸਪਸ਼ਟ ਹੋਣ ਤੋਂ ਬਾਅਦ ਹੀ ਕੁਝ ਕਿਹਾ ਜਾ ਸਕਦਾ ਹੈ।
