14.83C Vancouver 14.83C VancouverMay 12, 2022 11:25 AM - THE CANADIAN PRESS
ਫੈਡਰਲ ਸਰਕਾਰ ਨੇ ਟ੍ਰਾਂਸ ਮਾਊਂਟੇਨ ਪਾਈਪਲਾਈਨ ਪ੍ਰੋਜੈਕਟ ਦੇ ਵਿਸਥਾਰ ਲਈ ਲਗਭਗ 10 ਬਿਲੀਅਨ ਡਾਲਰ ਲੋਨ ਦੀ ਗਾਰੰਟੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਟ੍ਰਾਂਸ ਮਾਊਂਟੇਨ ਪਾਈਪਲਾਈਨ ਅਲਬਰਟਾ ਤੋਂ ਵੈਸਟ ਕੋਸਟ ਤੱਕ ਕੈਨੇਡਾ ਦਾ ਇੱਕੋ-ਇੱਕ ਤੇਲ ਪਾਈਪਲਾਈਨ ਸਿਸਟਮ ਹੈ।
ਇਸ ਦੇ ਪਿਛਲੇ ਮਾਲਕ ਕਿੰਡਰ ਮੋਰਗਨ ਕੈਨੇਡਾ ਇੰਕ. ਵੱਲੋਂ ਪਾਈਪਲਾਈਨ ਦੇ ਯੋਜਨਾਬੱਧ ਵਿਸਥਾਰ ਪ੍ਰੋਜੈਕਟ ਨੂੰ ਰੱਦ ਕਰਨ ਦੀ ਧਮਕੀ ਦੇਣ ਮਗਰੋਂ ਇਸ ਨੂੰ ਫੈਡਰਲ ਸਰਕਾਰ ਨੇ 2018 ਵਿਚ 4.5 ਬਿਲੀਅਨ ਡਾਲਰ ਨਾਲ ਖਰੀਦ ਲਿਆ ਗਿਆ ਸੀ।
ਵਿੱਤ ਮੰਤਰਾਲਾ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਟ੍ਰਾਂਸ ਮਾਊਂਟੇਨ ਨੇ ਕੈਨੇਡੀਅਨ ਵਿੱਤੀ ਸੰਸਥਾਵਾਂ ਦੇ ਇੱਕ ਸਮੂਹ ਤੋਂ 10 ਬਿਲੀਅਨ ਡਾਲਰ ਤੱਕ ਦਾ ਥਰਡ-ਪਾਰਟੀ ਫਾਈਨੈਂਸਿੰਗ ਵਿੱਤੀ ਸਹਾਇਤਾ ਪ੍ਰਾਪਤ ਕੀਤੀ ਹੈ ਅਤੇ ਸਰਕਾਰ ਉਸ ਪ੍ਰੋਸੈਸ ਦੇ ਹਿੱਸੇ ਵਜੋਂ ਕਾਰਪੋਰੇਸ਼ਨ ਦੀ ਤਰਫੋਂ ਕਰਜ਼ੇ ਦੀ ਗਰੰਟੀ ਪ੍ਰਦਾਨ ਕਰ ਰਹੀ ਹੈ। ਸਰਕਾਰ ਨੇ ਕਿਹਾ ਕਿ ਫਰਵਰੀ ਵਿੱਚ ਦਰਸਾਏ ਗਏ ਲਾਗਤ ਅੰਦਾਜ਼ੇ ਵਿਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ ਅਤੇ ਪਾਈਪਲਾਈਨ ਪ੍ਰੋਜੈਕਟ 2023 ਤੱਕ ਮੁਕੰਮਲ ਹੋਣ ਦੀ ਆਸ ਬਰਕਰਾਰ ਹੈ।
