9.68C Vancouver 9.68C VancouverMar 1, 2022 9:21 PM - The Canadian Press
ਔਟਵਾ ਵੱਲੋਂ ਇੰਟਰਨੈਸ਼ਨਲ ਕ੍ਰਿਮੀਨਲ ਕੋਰਟ ਨੂੰ ਮੰਗ ਕੀਤੀ ਗਈ ਹੈ ਕਿ ਰੂਸ 'ਤੇ ਵਾਰ ਕਰਾਈਮ ਸੰਬੰਧੀ ਜਾਂਚ ਨੂੰ ਤੇਜ ਕੀਤਾ ਜਾਵੇ।
ਇਸ ਦੇ ਨਾਲ ਹੀ ਔਟਵਾ ਨੇ ਐਲਾਨ ਕੀਤਾ ਹੈ ਕਿ ਰੂਸੀ ਸਮੁੰਦਰੀ ਜਹਾਜਾਂ ਲਈ ਕੈਨੇਡਾ ਦੇ ਪੋਰਟਸ ਬੰਦ ਕੀਤੇ ਜਾ ਰਹੇ ਹਨ।
ਕੈਨੇਡਾ ਦੀ ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ, ਮੈਲਨੀ ਜੋਲੀ ਦਾ ਕਹਿਣਾ ਹੈ ਕਿ ਕੈਨੇਡਾ ਲਈ ਕੋਰਟ ਨੂੰ ਪਟੀਸ਼ਨ ਕਰਨਾ ਜਰੂਰੀ ਹੈ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਸਪਸ਼ਟ ਹੈ ਕਿ ਕੈਨੇਡਾ ਪੂਰੀ ਤਰ੍ਹਾਂ ਯੂਕਰੇਨ ਦੇ ਨਾਲ ਹੈ।
ਰੂਸ ਨਾਲ ਸੰਬੰਧੀ ਸਮੁੰਦਰੀ ਜਹਾਜਾਂ ਅਤੇ ਫਿਸ਼ਿੰਗ ਵੈਸਲਸ ਲਈ ਕਨੇਡੀਅਨ ਪੋਰਟਸ ਅਤੇ ਇੰਟਰਨਲ ਵਾਟਰਸ ਨੂੰ ਇਸੇ ਹਫ਼ਤੇ ਤੋਂ ਬੰਦ ਕੀਤਾ ਜਾ ਰਿਹਾ ਹੈ ਅਤੇ ਅਜਿਹਾ ਜੀ-7 ਪਾਰਟਨਰਸ ਅਤੇ ਹੋਰ ਦੇਸ਼ਾਂ ਦੇ ਸਹਿਯੋਗ ਨਾਲ ਕੀਤਾ ਜਾ ਰਿਹਾ ਹੈ।
ਯਾਦ ਰਹੇ ਅੱਜ ਕੈਨੇਡਾ ਦੀ ਵਿਦੇਸ਼ ਮੰਤਰੀ ਅਤੇ ਕੁੱਲ 40 ਦੇਸ਼ਾਂ ਦੇ 100 ਡਿਪਲੋਮੈਟਸ ਨੇ ਯੂਨਾਈਟਿਡ ਨੇਸ਼ਨਸ ਦੇ ਸੈਸ਼ਨਸ ਦੌਰਾਨ ਵਾਕਆਊਟ ਕੀਤਾ।
ਅਜਿਹਾ ਉਸ ਵੇਲੇ ਕੀਤਾ ਗਿਆ ਜਦ ਰੂਸ ਦੇ ਵਿਦੇਸ਼ ਮੰਤਰੀ, ਸਰਜਈ ਲੈਵਰੌਵ ਸਪੀਚ ਦੇ ਰਹੇ ਸਨ।
