ਔਟਵਾ ਨੇ ਐਟਲਾਂਟਿਕ ਕੈਨੇਡਾ ਵਿੱਚ ਕਨਫੈਡਰੇਸ਼ਨ ਬ੍ਰਿਜ ਟੋਲ ਅਤੇ ਫੈਰੀ ਕਿਰਾਏ ਘਟਾਏ

ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਪ੍ਰਿੰਸ ਐਡਵਰਡ ਆਈਲੈਂਡ ਨੂੰ ਬਾਕੀ ਕੈਨੇਡਾ ਨਾਲ ਜੋੜਨ ਵਾਲੇ ਇੱਕੋ-ਇੱਕ ਕਨਫੈਡਰੇਸ਼ਨ ਬ੍ਰਿਜ 'ਤੇ ਟੋਲ ਨੂੰ $50 ਤੋਂ ਘਟਾ ਕੇ $20 ਕਰਨ ਜਾ ਰਹੇ ਹਨ। ਸਰਕਾਰ ਇਸ ਨਵੇਂ ਟੋਲ ਰੇਟਾਂ ਨੂੰ ਸ਼ੁਕਰਵਾਰ 1 ਅਗਸਤ ਤੋਂ ਲਾਗੂ ਕਰਨ ਜਾ ਰਹੀ ਹੈ।

ਇਸ ਤੋਂ ਇਲਾਵਾ ਸੂਬਾ ਅਤੇ ਨੋਵਾ ਸਕੋਸ਼ੀਆ ਵਿਚਕਾਰ ਫੈਰੀ ਰੂਟਾਂ 'ਤੇ ਕਿਰਾਏ ਵੀ 50 ਪ੍ਰਤੀਸ਼ਤ ਘੱਟ ਕਰਨ ਦੀ ਤਿਆਰੀ ਹੈ। ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਅੱਜ ਸਵੇਰੇ ਐਲਬਨੀ P.E.I ਦੀ ਫੇਰੀ ਦੌਰਾਨ ਇਨ੍ਹਾਂ ਤਬਦੀਲੀਆਂ ਦਾ ਐਲਾਨ ਕੀਤਾ।

ਕਨਫੈਡਰੇਸ਼ਨ ਬ੍ਰਿਜ 1997 ਵਿੱਚ ਖੋਲਿਆ ਗਿਆ ਸੀ। 12.9 ਕਿਲੋਮੀਟਰ ਲੰਬੇ ਇਸ ਬ੍ਰਿਜ ‘ਤੇ 1 ਬਿਲੀਅਨ ਦਾ ਖ਼ਰਚਾ ਆਇਆ ਸੀ। ਜਾਣਕਾਰੀ ਮੁਤਾਬਕ ਹਰ ਸਾਲ ਲਗਭਗ 10 ਲੱਖ ਵਾਹਨ ਇਸ ਬ੍ਰਿਜ ਨੂੰ ਪਾਰ ਕਰਦੇ ਹਨ।