17.97C Vancouver 17.97C VancouverMay 23, 2024 7:53 PM - The Canadian Press
ਓਟਵਾ ਪੁਲਿਸ ਨੇ ਹਾਲ ਹੀ ਵਿਚ ਇਜ਼ਰਾਇਲ ਖਿਲਾਫ ਹੋਏ ਪ੍ਰਦਸ਼ਨ ਦੌਰਾਨ ਇੱਕ ਔਰਤ ਦਾ ਹਿਜਾਬ ਖਿੱਚਣ ਦੇ ਮਾਮਲੇ ਵਿਚ 74 ਸਾਲਾ ਔਰਤ ’ਤੇ ਹਮਲਾ ਕਰਨ ਅਤੇ ਧਮਕੀਆਂ ਦੇਣ ਤੇ ਸ਼ਰਾਰਤ ਕਰਨ ਦੇ ਦੋਸ਼ ਲਗਾਏ ਹਨ। ਓਟਵਾ ਪੁਲਿਸ ਦੀ ਨਫ਼ਤਰ ਅਪਰਾਧ ਯੂਨਿਟ ਨੇ ਇਹ ਕਾਰਵਾਈ ਕੀਤੀ ਹੈ। ਪਿਛਲੇ ਹਫਤੇ ਇਜ਼ਰਾਈਲ ਦੀ ਸਥਾਪਨਾ ਦੇ 76 ਸਾਲ ਪੂਰੇ ਹੋਣ ’ਤੇ ਇਜ਼ਰਾਈਲ ਪੱਖੀ ਅਤੇ ਫਿਲਸਤੀਨ ਪੱਖੀ ਗਰੁੱਪ ਸਿਟੀ ਹਾਲ ਦੇ ਬਾਹਰ ਇਕੱਠੇ ਹੋਏ ਸਨ।
ਪੁਲਿਸ ਦਾ ਕਹਿਣਾ ਹੈ ਕਿ ਹਿਜਾਬ ਪਹਿਨੀ ਇੱਕ ਔਰਤ ਪ੍ਰਦਰਸ਼ਨ ਵਿਚ ਸ਼ਾਮਲ ਹੋ ਰਹੀ ਸੀ ਜਦੋਂ ਇੱਕ ਔਰਤ ਨੇ ਗਲਤ ਇਸ਼ਾਰੇ ਕਰਦੇ ਹੋਏ ਉਸ ਦੇ ਸਿਰ ਦਾ ਸਕਾਰਫ਼ ਉਤਾਰ ਦਿੱਤਾ। ਪੁਲਿਸ ਨੇ ਉਸ ਦੀ ਪਛਾਣ 74 ਸਾਲਾ ਔਰਤ ਵਜੋਂ ਕੀਤੀ ਹੈ ਪਰ ਉਸ ਦਾ ਨਾਂ ਅਤੇ ਉਸ ਨੂੰ ਅਦਾਲਤ ਵਿਚ ਕਦੋਂ ਪੇਸ਼ ਕੀਤਾ ਜਾਣਾ ਹੈ ਇਸ ਦੀ ਜਾਣਕਾਰੀ ਸਾਂਝੀ ਨਹੀਂ ਕੀਤੀ।
ਘਟਨਾ ਦਾ ਇੱਕ ਛੋਟਾ ਕਲਿਪ ਸੋਸ਼ਲ ਮੀਡੀਆ ’ਤੇ ਸ਼ੇਅਰ ਕੀਤਾ ਗਿਆ ਸੀ, ਜਿਸ ਵਿਚ ਹਿਜਾਬ ਵਿਚ ਇਕ ਔਰਤ ਫਲਸਤੀਨੀ ਝੰਡਾ ਲਹਿਰਾਉਂਦੀ ਦਿਖਾਈ ਦਿੰਦੀ ਹੈ ਜਦੋਂ ਇੱਕ ਹੋਰ ਔਰਤ ਉਸ ਦੇ ਪਿੱਛੇ ਤੋਂ ਉਸ ਕੋਲ ਆਉਂਦੀ ਹੈ। ਇਹ ਪੁੱਛਣ ’ਤੇ ਕਿ ਇਸ ਮਾਮਲੇ ’ਚ ਕਥਿਤ ਦੋਸ਼ੀ ਦੀ ਪਛਾਣ ਕਿਉਂ ਨਹੀਂ ਸਾਂਝੀ ਕੀਤੀ ਜਾ ਰਹੀ ਤਾਂ ਪੁਲਿਸ ਨੇ ਕਿਹਾ ਕਿ ਲੋਕਾਂ ਦਾ ਨਾਮ ਹਮੇਸ਼ਾ ਜਨਤਕ ਨਹੀਂ ਕੀਤਾ ਜਾਂਦਾ ਅਤੇ ਇਹ ਨਫ਼ਤਰ ਅਪਰਾਧ ਯੂਨਿਟ ਦੇ ਵਿਵੇਕ ’ਤੇ ਹੁੰਦਾ ਹੈ।
