13.84C Vancouver 13.84C VancouverFeb 4, 2022 5:53 PM - The Canadian Press
ਔਟਵਾ ਪੁਲੀਸ ਚੱਲ ਰਹੇ ਮੁਜ਼ਾਹਰੇ ਦੇ ਮੱਦੇਨਜ਼ਰ ਸ਼ਹਿਰ ਦੇ ਉਸ ਇਲਾਕੇ ਵਿੱਚ 150 ਹੋਰ ਪੁਲਿਸ ਅਫਸਰ ਤਾਇਨਾਤ ਕਰ ਰਹੀ ਹੈ ਜਿਹੜਾ ਕਿ ਕੋਵਿਡ-19 ਪਾਬੰਦੀਆਂ ਖ਼ਿਲਾਫ਼ ਮੁਜ਼ਾਹਰੇ ਕਾਰਨ ਸਭ ਤੋਂ ਵੱਧ ਪ੍ਰਭਾਵਿਤ ਹੈ।
ਇਹ ਮੁਜ਼ਾਹਰਾ ਪਿਛਲੇ ਕਈ ਦਿਨਾਂ ਤੋਂ ਚੱਲ ਰਿਹਾ ਹੈ।
ਪੁਲੀਸ ਚੀਫ ਪੀਟਰ ਸਲੋਲੀ ਨੇ ਦੱਸਿਆ ਕਿ ਇਨ੍ਹਾਂ ਅਫ਼ਸਰਾਂ ਦੀ ਗਸ਼ਤ ਦਾ ਮੁੱਖ ਧਿਆਨ ਸ਼ਰਾਰਤ, ਨਫ਼ਰਤ, ਕਿਸੇ ਨੂੰ ਤੰਗ ਪ੍ਰੇਸ਼ਾਨ ਕਰਨ, ਧਮਕੀਆਂ ਦੇਣ ਅਤੇ ਹੋਰ ਡਰਾੁਉਣ-ਧਮਕਾਉਣ ਵਰਗੇ ਰਵੱਈਏ 'ਤੇ ਹੋਵੇਗਾ।
ਵੀਰਵਾਰ ਨੂੰ ਫੈਡਰਲ ਪਬਲਿਕ ਸੇਫਟੀ ਮਨਿਸਟਰ ਮਾਰਕੋ ਮੈਨਡੀਚੀਨੋ ਨੇ ਕਿਹਾ ਸੀ ਕਿ ਆਰ ਸੀ ਐਮ ਪੀ ਨੇ ਔਟਵਾ ਦੇ ਮੇਅਰ ਜਿਮ ਵਾਟਸਨ ਦੀ ਗੁਜ਼ਾਰਿਸ਼ ਨੂੰ ਪ੍ਰਵਾਨਗੀ ਦੇ ਦਿੱਤੀ ਸੀ ਜਿਸ ਵਿਚ ਉਨ੍ਹਾਂ ਨੇ ਮਾਉਂਟੀਜ਼ ਨੂੰ ਸਿਟੀ ਪੁਲੀਸ ਦੀ ਮੱਦਦ ਕਰਨ ਲਈ ਕਿਹਾ ਸੀ।
ਮੈਨਡੀਚੀਨੋ ਨੇ ਕਿਹਾ ਕਿ ਟਰੱਕਰਜ਼ ਕਾਨਵਾਈ ਨੇ ਸਥਾਨਕ ਲੋਕਾਂ ਦੀ ਜ਼ਿੰਦਗੀ ਵਿੱਚ ਵਾਹਵਾ ਖਲਲ ਪਾਇਆ ਹੈ ਜਿਸ ਵਿਚ ਭੰਨਤੋੜ,ਤੰਗ ਪਰੇਸ਼ਾਨ ਕਰਨਾ,ਨਫ਼ਰਤ ਤੇ ਹਿੰਸਾ ਦਾ ਪ੍ਰਗਟਾਵਾ ਅਤੇ ਬਹੁਤ ਸਾਰੀਆਂ ਸੇਵਾਵਾਂ ਵਿੱਚ ਵਿਘਨ ਪਾਉਣਾ ਸ਼ਾਮਲ ਹੈ।
