18C Vancouver 18C VancouverMar 12, 2025 6:35 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਅਤੇ ਫੈਡਰਲ ਸਰਕਾਰ ਨੇ ਸੂਬੇ ਵਿਚ ਲਿੰਗ-ਅਧਾਰਿਤ ਹਿੰਸਾ ਦੇ ਪੀੜਤਾਂ ਲਈ ਢੁਕਵੀਂ ਰਿਹਾਇਸ਼ ਯਕੀਨੀ ਬਣਾਉਣ ਲਈ ਕਿਰਾਏ ਦੀ ਸਹਾਇਤਾ ਫੰਡਿੰਗ ਦਾ ਐਲਾਨ ਕੀਤਾ ਹੈ। ਬੀ.ਸੀ. ਦੇ ਹਾਊਸਿੰਗ ਮੰਤਰਾਲਾ ਨੇ ਇੱਕ ਨਿਊਜ਼ ਰਿਲੀਜ਼ ਵਿਚ ਕਿਹਾ ਕਿ ਔਟਵਾ ਚਾਰ ਸਾਲਾਂ ਲਈ ਸੂਬੇ ਨੂੰ ਲਗਭਗ $37 ਮਿਲੀਅਨ ਫੰਡ ਦੇ ਰਿਹਾ ਹੈ ਅਤੇ ਸੂਬਾ ਵੀ ਇਸ ਦੇ ਬਰਾਬਰ ਦਾ ਯੋਗਦਾਨ ਪਾਵੇਗਾ।
ਇਸ ਫੰਡਿੰਗ ਨਾਲ ਲਿੰਗ-ਅਧਾਰਿਤ ਹਿੰਸਾ ਦੇ ਪੀੜਤਾਂ ਨੂੰ ਪ੍ਰਾਈਵੇਟ ਮਾਰਕੀਟ ਵਿਚ ਕਿਰਾਏ ਦੇ ਮਕਾਨ ਵਿਚ ਸ਼ਿਫਟ ਕਰਨ ਵਿਚ ਮਦਦ ਕੀਤੀ ਜਾਵੇਗੀ। ਇਸ ਤਹਿਤ ਸੂਬਾ ਹਰ ਮਹੀਨੇ ਪ੍ਰਤੀ ਪਰਿਵਾਰ ਔਸਤਨ $600 ਦੀ ਮਦਦ ਦੇਵੇਗਾ ਅਤੇ ਇਹ ਮਦਦ ਇਨਕਮ, ਪਰਿਵਾਰ ਦਾ ਆਕਾਰ ਅਤੇ ਕਿਰਾਏ ਦੀ ਲਾਗਤ ਦੇ ਆਧਾਰ 'ਤੇ ਤੈਅ ਹੋਵੇਗੀ।
ਬੀ.ਸੀ. ਦੇ ਹਾਊਸਿੰਗ ਮੰਤਰਾਲਾ ਨੇ ਉਮੀਦ ਜਤਾਈ ਕਿ ਇਹ ਫੰਡਿੰਗ ਲਗਭਗ 1,700 ਲੋਕਾਂ ਜਾਂ ਪਰਿਵਾਰਾਂ ਨੂੰ ਉਨ੍ਹਾਂ ਦੇ ਨਾਜ਼ੁਕ ਸਮੇਂ ਦੌਰਾਨ ਲੋੜੀਂਦੀ ਮਦਦ ਉਪਲਬਧ ਕਰਵਾਏਗੀ।
