16.24C Vancouver 16.24C VancouverSep 29, 2020 5:37 PM -
ਫੈਡਰਲ ਸਰਕਾਰ ਵੱਲੋਂ ਕੋਵਿਡ-19 ਲਈ ਰੈਪਿਡ ਟੈੱਸਟਸ ਤਿਆਰ ਕਰਨ ਲਈ ਜਲਦੀ ਕਰ ਰਹੀਆਂ ਕੰਪਨੀਆਂ ਨੂੰ ਕੁਝ ਹਿਦਾਇਤਾ ਜਾਰੀ ਕੀਤੀਆਂ ਗਈਆਂ ਹਨ, ਕਿਉਂਕਿ ਸਰਕਾਰ ਉੱਤੇ ਇਸ ਵੇਲੇ ਅਜਿਹੇ ਟੈੱਸਟਸ ਨੂੰ ਮਨਜ਼ੂਰੀ ਦੇਣ ਲਈ ਦਬਾਅ ਬਣ ਰਿਹਾ ਹੈ।
ਦੇਸ਼ ਭਰ ਵਿਚ ਕੋਵਿਡ-19 ਟੈੱਸਟਸ ਦੀ ਡੀਮਾਂਡ ਵੱਧ ਰਹੀ ਹੈ ਅਜਿਹੇ ਵਿਚ ਗੁਹਾਰ ਲਗਾਈ ਜਾ ਰਹੀ ਹੈ ਕਿ ਤੇਜ਼ੀ ਨਾਲ ਨਤੀਜੇ ਦੇਣ ਵਾਲੇ ਯੰਤਰਾਂ ਨੂੰ ਮਨਜ਼ੂਰੀ ਦਿੱਤੀ ਜਾਵੇ।
ਵਿਰੋਧੀ ਧਿਰ ਕਨਜ਼ਰਵੇਟਿਵ ਵੱਲੋਂ ਵੀ ਇਸ ਗੱਲ ਵੱਲ ਧਿਆਨ ਦਵਾਇਆ ਗਿਆ ਹੈ ਕਿ ਅਮਰੀਕਾ ਅਤੇ ਕਈ ਹੋਰ ਦੇਸ਼ਾਂ ਵੱਲੋਂ ਵੀ ਇਹ ਟੈੱਸਟ ਸ਼ੁਰੂ ਕੀਤੇ ਜਾ ਚੁੱਕੇ ਹਨ।
ਹੈਲਥ ਕੈਨੇਡਾ ਵਿਖੇ, ਚੀਫ਼ ਮੈਡੀਕਲ ਐਡਵਾਈਜ਼ਰ ਡਾ. ਸੁਪਰੀਆ ਸ਼ਰਮਾ ਦਾ ਕਹਿਣਾ ਹੈ ਕਿ ਵਿਭਾਗ ਵੱਲੋਂ ਪਹਿਲਾਂ ਹੀ ਮਨਜ਼ੂਰੀ ਲਈ ਆ ਚੁੱਕੇ ਰੈਪਿਡ ਟੈੱਸਟਸ 'ਤੇ ਕੰਮ ਕਰਨਾ ਤਰਜੀਹ ਉੱਤੇ ਰੱਖਿਆ ਗਿਆ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਗੱਲ ਯਨੀਕੀ ਬਣਾਉਣਾ ਜ਼ਰੂਰੀ ਹੈ ਕਿ ਇਹ ਟੈੱਸਟ ਸਹੀ ਨਤੀਜੇ ਪੇਸ਼ ਕਰਨ, ਅਤੇ ਵੱਡੀ ਗਿਣਤੀ ਵਿਚ ਗਲਤ ਨਤੀਜੇ ਨਾ ਲੈਕੇ ਆਉਣ।
ਉੁਨ੍ਹਾਂ ਮੁਤਾਬਕ ਨਵੀਆਂ ਹਿਦਾਇਤਾਂ ਕੰਪਨੀਆਂ ਨੂੰ ਇਹ ਸਮਝਣ ਵਿਚ ਸਹਾਇਤਾ ਕਰਨਗੀਆਂ ਕਿ ਉਨ੍ਹਾਂ ਤੋਂ ਕੀ ਉਮੀਦ ਕੀਤੀ ਜਾ ਰਹੀ ਹੈ।
ਡਾ. ਸੁਪਰੀਆ ਨੇ ਇਹ ਵੀ ਕਿਹਾ ਕਿ ਕੈਨੇਡਾ ਦੁਆਰਾ ਮਨਜ਼ੂਰੀ ਦਾ ਤਰੀਕਾ ਵੀ ਬਾਕੀ ਦੇਸ਼ਾਂ ਵਾਂਗ ਹੀ ਹੈ।
