Ottawa purchases 500,000 bird flu vaccine doses to help protect people most at risk

ਕੈਨੇਡਾ ਸਰਕਾਰ ਨੇ ਬਰਡ ਫਲੂ ਦੇ ਖ਼ਤਰੇ ਨਾਲ ਨਜਿੱਠਣ ਲਈ ਵੈਕਸੀਨ ਦੀਆਂ ਖਰੀਦੀਆਂ 500,000 ਖੁਰਾਕਾਂ

Share On

ottawa-purchases-500-000-bird-flu-vaccine-doses-to-help-protect-people-most-at-risk

The Public Health Agency of Canada says it secured supplies of GSK's human vaccine against avian influenza.(Photo: The Canadian Press)

ਕੈਨੇਡਾ ਸਰਕਾਰ ਨੇ ਬਰਡ ਫਲੂ ਦੇ ਸੰਭਾਵਿਤ ਖ਼ਤਰੇ ਨਾਲ ਨਜਿੱਠਣ ਲਈ ਇਸ ਦੀ ਵੈਕਸੀਨ ਦੀਆਂ 500,000 ਖੁਰਾਕਾਂ ਖਰੀਦੀਆਂ ਹਨ। ਕੈਨੇਡਾ ਦੀ ਪਬਲਿਕ ਹੈਲਥ ਏਜੰਸੀ ਦਾ ਕਹਿਣਾ ਹੈ ਕਿ ਉਸ ਨੇ ਏਵੀਅਨ ਫਲੂ ਖਿਲਾਫ ਡਰੱਗ ਨਿਰਮਾਤਾ ਜੀ.ਐਸ.ਕੇ ਤੋਂ ਮਨੁੱਖੀ ਵੈਕਸੀਨ ਦੀ ਸਪਲਾਈ ਸੁਰੱਖਿਅਤ ਕੀਤੀ ਹੈ।

ਏਜੰਸੀ ਨੇ ਕਿਹਾ ਕਿ ਉਪਲੱਬਧ ਖੁਰਾਕਾਂ ਦੀ 60 ਫੀਸਦੀ ਸਪਲਾਈ ਸੂਬਿਆਂ ਨੂੰ ਦਿੱਤੀ ਜਾਵੇਗੀ, ਜਦੋਂ ਕਿ 40 ਫੀਸਦੀ ਹਿੱਸਾ ਫੈਡਰਲ ਸਟਾਕ ਵਿਚ ਰੱਖਿਆ ਜਾਵੇਗਾ। ਸਰਕਾਰ ਵਲੋਂ ਵੱਡੇ ਪੱਧਰ ’ਤੇ ਇਸ ਦੇ ਟੀਕਾਕਰਨ ਦੀ ਸਿਫ਼ਾਰਸ਼ ਨਹੀਂ ਕੀਤੀ ਗਈ ਹੈ, ਕਿਹਾ ਗਿਆ ਹੈ ਕਿ ਇਹ ਸ਼ਾਟ ਉਨ੍ਹਾਂ ਲੋਕਾਂ ਲਈ ਹਨ ਜੋ ਇਸ ਸੰਕਰਮਣ ਦੇ ਵੱਧ ਜੋਖਮ ਵਿਚ ਹੋ ਸਕਦੇ ਹਨ, ਜਿਵੇਂ ਕਿ ਉਹ ਲੋਕ ਜਿਨ੍ਹਾਂ ਦਾ ਸੰਕਰਮਿਤ ਜਾਨਵਰਾਂ ਅਤੇ ਉਨ੍ਹਾਂ ਦੇ ਵਾਤਾਵਰਣ ਨਾਲ ਨਿਰੰਤਰ ਸੰਪਰਕ ਰਹਿੰਦਾ ਹੈ, ਜਦੋਂ ਕਿ ਦੂਜੇ ਆਮ ਲੋਕਾਂ ਲਈ ਇਸ ਦਾ ਖਤਰਾ ਘੱਟ ਹੈ।

ਗੌਰਤਲਬ ਹੈ ਕਿ ਕੈਨੇਡਾ ਨੇ 9 ਨਵੰਬਰ 2024 ਨੂੰ ਬਰਡ ਫਲੂ ਦਾ ਪਹਿਲਾ ਮਨੁੱਖੀ ਕੇਸ ਰਿਪੋਰਟ ਕੀਤਾ ਸੀ। ਸਿਹਤ ਮੰਤਰੀ ਮਾਰਕ ਹੌਲੈਂਡ ਨੇ ਕਿਹਾ ਕਿ ਤਾਜ਼ਾ ਕਦਮ H5N1 ਦੇ ਫੈਲਣ ਦੇ ਖ਼ਤਰੇ ਨਾਲ ਨਜਿੱਠਣ ਲਈ ਚੁੱਕੇ ਗਏ ਕਦਮਾਂ ਵਿਚੋਂ ਇੱਕ ਹੈ।

ਕੈਨੇਡਾ ਦੇ ਬਦਲਦੇ Climate ਬਾਰੇ ਇੱਕ ਤਾਜ਼ਾ ਰਿਪੋਰਟ ਵਿਚ ਚਿਤਾਵਨੀ ਦਿੱਤੀ ਗਈ ਹੈ ਕਿ ਕੈਨੇਡੀਅਨ ਨੂੰ ਭਵਿੱਖ ਵਿਚ ਤਾਪਮਾਨ 5 ਡਿਗਰੀ ਸੈਲਸੀਅਸ ਤੱਕ ਵਧਣ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ, ਜਿਸ ਕਾਰਨ ਸੋਕਾ, ਫਲੈਸ਼ ਫਲੱਡ ਅਤੇ ਵਾਯੂਮੰਡਲੀ ਨਦੀਆਂ ਵਰਗੇ ਹਾਲਾਤ ਗੰਭੀਰ ਹੋਣਗੇ। ਕੈਨੇਡਾ ਦੀ ਬਦਲਦੀ ਜਲਵਾਯੂ ਰਿਪੋਰਟ ਦੇ ਜਾਰੀ ਹੋਏ ਦੂਜੇ ਐਡੀਸ਼ਨ ਵਿਚ ਕਿਹਾ ਗਿਆ ਹੈ ਕਿ ਜੈਵਿਕ ਬਾਲਣ ਦੀ ਵਰਤੋਂ ਅਤੇ ਮਨੁੱਖੀ ਗਤੀਵਿਧੀਆਂ ਜਲਵਾਯੂ ਪਰਿਵਰਤਨ ਲਈ ਜ਼ਿੰਮੇਵਾਰ ਹਨ।