14.8C Vancouver 14.8C VancouverApr 26, 2024 7:06 PM - The Canadian Press
ਕੈਨੇਡਾ ਦੀ ਸੈਮੀਕੰਡਕਟਰਾਂ ਨਿਰਮਾਣ ਸਮਰੱਥਾ ਨੂੰ ਬੂਸਟ ਦੇਣ ਲਈ ਫੈਡਰਲ ਅਤੇ ਕਿਊਬੈਕ ਸਰਕਾਰਾਂ ਨੇ ਲਗਭਗ $100 ਮਿਲੀਅਨ ਇਨਵੈਸਟ ਕਰਨ ਦੀ ਘੋਸ਼ਣਾ ਕੀਤੀ ਹੈ। ਸੈਮੀਕੰਡਕਟਰ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਤੋਂ ਲੈ ਕੇ ਕੁਆਂਟਮ ਕੰਪਿਊਟਿੰਗ ਤੱਕ ਲਈ ਮਹੱਤਵਪੂਰਨ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਬ੍ਰੋਮੋਂਟ ਵਿਚ ਇਸ ਸਬੰਧੀ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਕਿਹਾ ਕਿ ਆਈ.ਬੀ.ਐੱਮ. ਕੈਨੇਡਾ ਦੀ ਸੈਮੀਕੰਡਕਟਰਾਂ ਨਿਰਮਾਣ ਸਮਰੱਥਾ ਦੀ ਸਮਰਥਾ ਨੂੰ ਵਧਾਉਣ ਲਈ ਓਟਾਵਾ ਵਲੋਂ $59.9 ਮਿਲੀਅਨ ਦੀ ਮਦਦ ਦਿੱਤੀ ਜਾ ਰਹੀ ਹੈ, ਇਸੇ ਤਰ੍ਹਾਂ ਬ੍ਰੋਮੋਂਟ ਦੇ ਐੱਮ.ਆਈ.ਕਿਊ.ਆਰ.ਓ. ਇਨੋਵੇਸ਼ਨ ਕੋਲਾਬੋਰੇਟਿਵ ਸੈਂਟਰ ਨੂੰ ਡਿਜੀਟਲ ਤਕਨਾਲੋਜੀਆਂ ਵਿਚ ਸੈਮੀਕੰਡਕਟਰਾਂ ਦੇ ਵਪਾਰੀਕਰਨ ਨੂੰ ਵਧਾਉਣ ਲਈ ਮਦਦ ਦਿੱਤੀ ਜਾਵੇਗੀ। ਉਥੇ ਹੀ, ਕਿਊਬੈਕ ਵਲੋਂ ਆਪਣੇ ਹਿੱਸੇ ਤਹਿਤ ਆਈ.ਬੀ.ਐੱਮ. ਕੈਨੇਡਾ ਨੂੰ $38.9 ਮਿਲੀਅਨ ਸਸਤੇ ਲੋਨ ਵਿਚ ਦਿੱਤੇ ਜਾਣਗੇ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਕਿ ਫੈਡਰਲ ਅਤੇ ਕਿਊਬੈਕ ਸਰਕਾਰ ਵਲੋਂ ਫੰਡਿੰਗ ਨਾਲ ਬ੍ਰੋਮੋਂਟ ਵਿਚ 280 ਹੋਰ ਨੌਕਰੀਆਂ ਪੈਦਾ ਕਰਨ ਵਿਚ ਮਦਦ ਮਿਲੇਗੀ। ਆਈ.ਬੀ.ਐੱਮ. ਕੈਨੇਡਾ ਦਾ ਕਹਿਣਾ ਹੈ ਕਿ ਬ੍ਰੋਮੋਂਟ ਵਿਚ ਉਸਦਾ ਪਲਾਂਟ ਇਸ ਮਹਾਂਦੀਪ ਦੇ ਸਭ ਤੋਂ ਵੱਡੇ ਚਿੱਪ ਅਸੈਂਬਲੀ ਅਤੇ ਟੈਸਟਿੰਗ ਸੁਵਿਧਾਵਾਂ ਵਿਚੋਂ ਇੱਕ ਹੈ ਅਤੇ ਨਵੀਂ ਫੰਡਿੰਗ ਨਾਲ ਉਸ ਨੂੰ ਕੈਨੇਡਾ ਦੀ ਸੈਮੀਕੰਡਕਟਰ ਸਪਲਾਈ ਮਜਬੂਤ ਕਰਨ ਵਿਚ ਮਦਦ ਮਿਲੇਗੀ।
