17.04C Vancouver 17.04C VancouverNov 2, 2022 12:27 AM - The Canadian Press
ਫੈਡਰਲ ਸਰਕਾਰ ਵੱਲੋਂ ਕੈਨੇਡਾ ਪਹੁੰਚਦੇ ਇਮੀਗ੍ਰੈਂਟਸ ਦੀ ਗਿਣਤੀ 'ਚ ਵਾਧਾ ਕਰਨ ਦਾ ਪਲੈਨ ਪੇਸ਼ ਕੀਤਾ ਗਿਆ ਹੈ।
ਸਰਕਾਰ ਦਾ ਟੀਚਾ ਹੈ ਕਿ ਸਾਲ 2025 ਤਕ ਹਰ ਸਾਲ ਕਰੀਬ 500,000 ਇਮੀਗ੍ਰੈਂਟਸ ਕੈਨੇਡਾ ਪਹੁੰਚਣ।
ਇਸ ਸੰਬੰਧੀ ਐਲਾਨ ਇਮੀਗ੍ਰੇਸ਼ਨ ਮੰਤਰੀ ਸ਼ੌਨ ਫਰੇਜ਼ਰ ਨੇ ਕੀਤਾ।
ਉਨ੍ਹਾਂ ਨਵੇਂ ਟਾਰਗੈਟ ਸਾਂਝੇ ਕਰਦਿਆਂ ਦੱਸਿਆ ਕਿ ਸਾਲ 2023 'ਚ 4% ਦੇ ਵਾਧੇ ਨਾਲ 465,000 ਇਮੀਗ੍ਰੈਂਟਸ ਦਾ ਦਾਖਿਲਾ ਅਤੇ ਸਾਲ 2024 'ਚ 7.5% ਦੇ ਵਾਧੇ ਨਾਲ 485,000 ਇਮੀਗ੍ਰੈਂਟਸ ਦਾ ਦਾਖਿਲਾ ਵੇਖਣ ਨੂੰ ਮਿਲੇਗਾ।
ਉਨ੍ਹਾਂ ਕਿਹਾ ਕਿ ਕਨੇਡੀਅਨ ਇੰਡਸਟਰੀਸ ਵੱਡੀ ਲੇਬਰ ਸ਼ੌਰਟੇਜ ਦਾ ਸਾਹਮਣਾ ਕਰ ਰਹੀਆਂ ਹਨ ਅਤੇ ਦੇਸ਼ 'ਚ ਕਰੀਬ 1 ਮਿਲੀਅਨ ਜੌਬ ਵੇਕੈਂਸੀਸ ਹਨ।
ਉਨ੍ਹਾਂ ਕਿਹਾ ਕਿ ਇਹ ਫੈਸਲਾ ਦੇਸ਼ ਦੀ ਇਕਨੌਮਿਕ ਪ੍ਰਾਸਪੈਰੀਟੀ ਲਈ ਅਹਿਮ ਹੈ।
ਇਮੀਗ੍ਰੇਸ਼ਨ ਮੰਤਰੀ ਨੇ ਕਿਹਾ ਕਿ ਦੇਸ਼ 'ਚ ਅਗਲੇ 3 ਸਾਲ 'ਚ ਪਹੁੰਚਦੇ ਇਮੀਗ੍ਰੈਂਟਸ ਲਈ ਉਨ੍ਹਾਂ ਦੇ ਵਰਕ ਸਕਿਲਸ ਅਤੇ ਤਜਰਬੇ ਅਨੁਸਾਰ ਦਾਖਿਲੇ ਲਈ ਦਰਵਾਜੇ ਖੋਲ੍ਹੇ ਜਾਣਗੇ।
ਯਾਦ ਰਹੇ ਇਹ ਪਲੈਨ ਉਸ ਵੇਲੇ ਐਲਾਨਿਆ ਗਿਆ ਹੈ ਜਦ ਸਟੈਟਿਸਟਿਕਸ ਕੈਨੇਡਾ ਨੇ ਬੀਤੇ ਹਫ਼ਤੇ ਜਾਣਕਾਰੀ ਦਿੱਤੀ ਸੀ ਕਿ ਦੇਸ਼ ਦੀ ਆਬਾਦੀ ਦਾ 23% ਹਿੱਸਾ ਇਮੀਗ੍ਰੈਂਟਸ ਹਨ।
