ਮੇਜਰ ਪ੍ਰਾਜੈਕਟ ਦੀ ਅਗਲੀ ਲਿਸਟ ਵੀਰਵਾਰ ਨੂੰ ਕੀਤੀ ਜਾਵੇਗੀ ਜਾਰੀ: ਮਾਰਕ ਕਾਰਨੀ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਐਲਾਨ ਕੀਤਾ ਹੈ ਕਿ ਮੇਜਰ ਪ੍ਰਾਜੈਕਟ ਦੀ ਅਗਲੀ ਲਿਸਟ ਵੀਰਵਾਰ ਨੂੰ ਜਾਰੀ ਕੀਤੀ ਜਾਵੇਗੀ। ਕਾਰਨੀ ਨੇ ਅੱਜ ਫਰੈਡਰਿਕਟਨ ਵਿਚ ਨਿਊਜ਼ ਕਾਨਫਰੰਸ ਦੌਰਾਨ ਪੱਤਰਕਾਰਾਂ ਦੇ ਸਵਾਲਾਂ ਦੇ ਜਵਾਬ ਦਿੰਦੇ ਹੋਏ ਇਸ ਦੀ ਜਾਣਕਾਰੀ ਦਿੱਤੀ।

ਦੋ ਮਹੀਨੇ ਪਹਿਲਾਂ ਪ੍ਰਧਾਨ ਮੰਤਰੀ ਨੇ ਪਹਿਲੇ ਪੰਜ ਪ੍ਰੋਜੈਕਟਸ ਦਾ ਐਲਾਨ ਕੀਤਾ ਸੀ, ਜਿਸ ਦੀ ਕੰਜ਼ਰਵੇਟਿਵ ਨੇ ਇਹ ਕਹਿੰਦੇ ਹੋਏ ਆਲੋਚਨਾ ਕੀਤੀ ਸੀ ਕਿ ਇਹ ਆਸਾਨ ਟਾਰਗੇਟਸ ਸਨ ਕਿਉਂਕਿ ਉਨ੍ਹਾਂ ਪ੍ਰੋਜੈਕਟਸ ਦਾ ਵਿਕਾਸ ਪਹਿਲਾਂ ਹੀ ਚੰਗੀ ਤਰ੍ਹਾਂ ਚੱਲ ਰਿਹਾ ਸੀ।

ਗੌਰਤਲਬ ਹੈ ਕਿ ਕੈਨੇਡਾ ਦੀ ਆਰਥਿਕਤਾ ਨੂੰ ਅੰਦਰੂਨੀ ਤੌਰ 'ਤੇ ਮਜਬੂਤ ਕਰਨ ਲਈ ਪ੍ਰਧਾਨ ਮੰਤਰੀ ਨੇ ਇਹ ਪਹਿਲਕਦਮੀ ਚੋਣਾਂ ਤੋਂ ਬਾਅਦ ਸ਼ੁਰੂ ਕੀਤੀ ਸੀ, ਜਿਸ ਤਹਿਤ ਮੇਜਰ ਪ੍ਰਾਜੈਕਟ ਐਫਿਸ ਦੀ ਸਥਾਪਨਾ ਕੀਤੀ ਗਈ, ਜਿਸ ਦਾ ਕੰਮ ਸਰਕਾਰ ਨੂੰ ਉਨ੍ਹਾਂ ਪ੍ਰੋਜੈਕਟਸ ਦੀ ਪਛਾਣ ਕਰਕੇ ਸਿਫਾਰਸ਼ ਭੇਜਣਾ ਹੈ ਜੋ ਰਾਸ਼ਟਰੀ ਹਿੱਤ ਵਿਚ ਹਨ। ਇਸ ਕਦਮ ਦਾ ਮਕਸਦ ਇਨ੍ਹਾਂ ਪ੍ਰੋਜੈਕਟਸ ਲਈ ਰੈੱਡ ਟੇਪ ਨੂੰ ਦੂਰ ਕਰਦੇ ਹੋਏ ਜਲਦ ਸ਼ੁਰੂ ਹੋਣ ਦੀ ਮਨਜ਼ੂਰੀ ਦੇਣਾ ਹੈ।