13.14C Vancouver 13.14C VancouverMar 31, 2026 3:55 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੀ ਫੈਡਰਲ ਸਰਕਾਰ ਨੇ ਫੀਫਾ ਵਰਲਡ ਕੱਪ ਦੌਰਾਨ ਵੱਧਣ ਵਾਲੀ ਮੰਗ ਨੂੰ ਧਿਆਨ ਵਿਚ ਰੱਖਦਿਆਂ ਸ਼ਰਾਬ 'ਤੇ ਸਾਲਾਨਾ ਆਬਕਾਰੀ ਟੈਕਸ ਦੇ ਵਾਧੇ 'ਤੇ ਲਗਾਈ ਗਈ 2 ਫੀਸਦੀ ਕੈਪ ਨੂੰ ਅਗਲੇ ਦੋ ਸਾਲਾਂ ਤੱਕ ਵਾਧਾ ਕਰ ਦਿੱਤਾ ਹੈ। ਇਹ ਕਦਮ ਦੇਸ਼ ਦੇ ਬਰੂਅਰਜ਼, ਵਾਈਨਰੀਜ਼ ਅਤੇ ਡਿਸਟਿਲਰੀਜ਼ ਨੂੰ ਵੱਡੀ ਰਾਹਤ ਦੇਵੇਗਾ।
ਸਰਕਾਰ ਮੁਤਾਬਕ, ਇਹ ਫੈਸਲਾ ਕਾਰੋਬਾਰਾਂ ਦੀਆਂ ਵਧਦੀਆਂ ਲਾਗਤਾਂ ਨੂੰ ਕਾਬੂ ਵਿਚ ਰੱਖਣ ਅਤੇ ਸਥਾਨਕ ਕਾਰੋਬਾਰਾਂ ਨੂੰ ਸਥਿਰਤਾ ਪ੍ਰਦਾਨ ਕਰਨ ਲਈ ਉਠਾਇਆ ਗਿਆ ਹੈ। ਆਬਕਾਰੀ ਟੈਕਸ ਵਿਚ ਦਿੱਤੀ ਗਈ ਇਹ ਰਾਹਤ 1 ਅਪ੍ਰੈਲ ਨੂੰ ਸਮਾਪਤ ਹੋਣ ਵਾਲੀ ਸੀ ਅਤੇ ਇਸ ਵਿਚ ਮਹਿੰਗਾਈ ਦਰ ਦੇ ਹਿਸਾਬ ਨਾਲ ਵਾਧਾ ਹੋਣਾ ਸੀ। ਲਿਬਰਲ ਸਰਕਾਰ ਨੇ 2023 ਤੋਂ ਇਸ ਵਾਧੇ ਨੂੰ 2 ਫੀਸਦੀ ਤੱਕ ਸੀਮਤ ਕਰ ਦਿੱਤਾ ਸੀ। ਹੁਣ ਇਹ ਕੈਪ 2028 ਤੱਕ ਜਾਰੀ ਰਹੇਗੀ।
ਕਰਾਫਟ ਬਰੂਅਰਜ਼ ਨੂੰ ਆਬਕਾਰੀ ਟੈਕਸ ਵਿਚ ਮਿਲੀ ਛੋਟ ਨੂੰ ਵੀ ਦੋ ਸਾਲ ਦੀ ਐਕਸਟੈਂਸ਼ਨ ਦਿੱਤੀ ਗਈ ਹੈ। ਹਾਲਾਂਕਿ, ਫੈਡਰਲ ਕੰਜ਼ਰਵੇਟਿਵ ਪਾਰਟੀ ਅਤੇ ਕੈਨੇਡੀਅਨ ਟੈਕਸਪੇਅਰਜ਼ ਫੈਡਰੇਸ਼ਨ ਦੋਵੇਂ ਹੀ ਸਰਕਾਰ ਨੂੰ 1 ਅਪ੍ਰੈਲ ਦੀ ਡੈੱਡਲਾਈਨ ਤੋਂ ਪਹਿਲਾਂ ਸ਼ਰਾਬ 'ਤੇ ਇਸ ਟੈਕਸ ਵਾਧੇ ਨੂੰ ਪੂਰੀ ਤਰ੍ਹਾਂ ਰੱਦ ਕਰਨ ਦੀ ਮੰਗ ਕਰ ਰਹੇ ਸਨ।
