18.19C Vancouver 18.19C VancouverJan 14, 2022 1:17 AM - The Canadian Press
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਕਨੇਡੀਅਨ ਟਰੱਕਰਸ ਨੂੰ ਇਸ ਵੀਕਐਂਡ ਤੋਂ ਲਾਗੂ ਹੋ ਰਹੀ ਵੈਕਸੀਨ ਮੈਂਡੇਟ 'ਚ ਕੋਈ ਢਿੱਲ ਨਹੀਂ ਦਿੱਤੀ ਜਾਵੇਗੀ।
ਫੈਡਰਲ ਸਰਕਾਰ ਨੇ ਜਾਣਕਾਰੀ ਦਿੱਤੀ ਹੈ ਕਿ ਕੈਨੇਡਾ ਪਰਤ ਰਹੇ ਟਰੱਕ ਚਾਲਕਾਂ ਨੂੰ ਵੈਕਸੀਨ ਹਾਸਿਲ ਨਾ ਹੋਣ ਜਾਂ ਵੈਕਸੀਨ ਦੀ ਇੱਕੋ ਖੁਰਾਕ ਹਾਸਿਲ ਹੋਣ ਦੀ ਸਥਿਤੀ 'ਚ ਪੀ.ਸੀ.ਆਰ. ਟੈਸਟਿੰਗ ਕਰਵਾਉਣੀ ਪਵੇਗੀ ਅਤੇ ਕੁਆਰੰਟੀਨ ਸੰਬੰਧੀ ਸ਼ਰਤਾਂ ਵੀ ਲਾਗੂ ਹੋਣਗੀਆਂ।
ਇਹ ਨਿਯਮ 15 ਜਨਵਰੀ ਤੋਂ ਲਾਗੂ ਹੋ ਜਾਣਗੇ।
ਅੱਜ ਸਵੇਰੇ ਕਨੇਡੀਅਨ ਬੌਰਡਰ ਸਰਵਿਸ ਏਜੈਂਸੀ ਵੱਲੋਂ ਟਰੱਕਰਸ ਬਾਰੇ ਜਾਰੀ ਕੀਤੀ ਗਈ ਜਾਣਕਾਰੀ ਤੋਂ ਬਾਅਦ ਫੈਡਰਲ ਸਰਕਾਰ ਨੇ ਸਪਸ਼ਟੀਕਰਨ ਜਾਰੀ ਕੀਤਾ ਹੈ।
ਜਾਣਕਾਰੀ ਦਿੱਤੀ ਗਈ ਸੀ ਕਿ ਬੌਰਡਰ ਪਾਰ ਕਰਦੇ ਕੈਨੇਡਾ ਦੇ ਟਰੱਕ ਚਾਲਕਾਂ ਨੂੰ ਵੈਕਸੀਨੇਟਿਡ ਹੋਣਾ ਲਾਜਮੀ ਬਣਾਉਣ ਵਾਲਾ ਨਿਯਮ ਫਿਲਹਾਲ ਲਾਗੂ ਨਹੀਂ ਕੀਤਾ ਜਾਵੇਗਾ।
ਪਰ ਫੈਡਰਲ ਸਰਕਾਰ ਨੇ ਅੱਜ ਸਪਸ਼ਟ ਕੀਤਾ ਕਿ ਇਹ ਜਾਣਕਾਰੀ ਸਹੀ ਨਹੀਂ ਸੀ।
ਕੈਨੇਡਾ ਦੇ ਟਰਾਂਸਪੋਰਟੇਸ਼ਨ, ਹੈਲਥ ਅਤੇ ਪਬਲਿਕ ਸੇਫਟੀ ਮੰਤਰੀਆਂ ਨੇ ਇੱਕ ਸਾਂਝੇ ਬਿਆਨ 'ਚ ਕਿਹਾ ਕਿ ਕੈਨੇਡਾ ਪਰਤਦੇ ਟਰੱਕ ਚਾਲਕਾਂ ਲਈ ਪੂਰੀ ਤਰ੍ਹਾਂ ਵੈਕਸੀਨੇਟਿਡ ਨਾ ਹੋਣ 'ਤੇ ਕੁਆਰੰਟੀਨ ਤੇ ਪੀ.ਸੀ.ਆਰ. ਟੈਸਟ ਸੰਬੰਧੀ ਨਿਯਮ ਲਾਗੂ ਹੋਣਗੇ।
