19.19C Vancouver 19.19C VancouverOct 18, 2022 8:38 PM - The Canadian Press
ਫੈਡਰਲ ਸਰਕਾਰ ਵੱਲੋਂ ਐਮਰਜੈਂਸੀਸ ਐਕਟ ਦੀ ਵਰਤੋਂ ਦੇ ਮਾਮਲੇ 'ਚ ਕੀਤੀ ਜਾ ਰਹੀ ਇੰਕਵਾਇਰੀ ਦੌਰਾਨ ਗਵਾਹੀਆਂ ਦਾ ਦੌਰ ਜਾਰੀ ਹੈ।
ਫਰੀਡਮ ਕਾਨਵਾਈ ਨਾਮ ਦੇ ਇਸ ਪ੍ਰਦਰਸ਼ਨ ਦੇ ਪ੍ਰਭਾਵ ਸੰਬੰਧੀ ਅੱਜ ਔਟਵਾ ਦੇ ਆਊਟਗੋਇੰਗ ਮੇਅਰ ਜਿਮ ਵਾਟਸਨ ਵੱਲੋਂ ਗਵਾਹੀ ਦਿੱਤੀ ਗਈ ਹੈ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੇ ਸ਼ਹਿਰ ਦੇ ਹਾਲਾਤ ਸਿਟੀ ਦੇ ਵੱਸੋਂ ਬਾਹਰ ਹੋ ਗਏ ਸਨ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਲਈ ਹੋਰ ਪੱਧਰ ਦੀਆਂ ਸਰਕਾਰਾਂ ਤੋਂ ਮਦਦ ਹਾਸਿਲ ਕਰਨਾ ਮਜਬੂਰੀ ਬਣ ਗਈ ਸੀ।
ਉਨ੍ਹਾਂ ਕਿਹਾ ਕਿ ਹਾਲਾਤਾਂ 'ਤੇ ਕਾਬੂ ਪਾਉਣ ਲਈ ਵੱਡੀ ਗਿਣਤੀ 'ਚ ਪੁਲਿਸ ਦੀ ਲੋੜ ਸੀ ਅਤੇ ਸ਼ਹਿਰ ਦੀ ਪੁਲਿਸ ਇਕੱਲਿਆਂ ਅਜਿਹਾ ਨਹੀਂ ਕਰ ਸਕਦੀ ਸੀ।
ਯਾਦ ਰਹੇ ਇਸੇ ਹਫ਼ਤੇ ਔਟਵਾ ਪੁਲਿਸ ਸਰਵਿਸ ਅਤੇ ਔਂਟੈਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਦੇ ਉੱਚੇ ਅਹੁਦਿਆਂ ਦੇ ਅਫਸਰਾਂ ਵੱਲੋਂ ਵੀ ਮਾਮਲੇ 'ਚ ਗਵਾਹੀ ਦਿੱਤੀ ਜਾਣੀ ਹੈ।
6 ਹਫ਼ਤੇ ਦਰਮਿਆਨ ਹੋਣ ਵਾਲੀ ਸੁਣਵਾਈ ਦੌਰਾਨ 65 ਗਵਾਹਾਂ ਵੱਲੋਂ ਗਵਾਹੀ ਦਿੱਤੀ ਜਾਵੇਗੀ।
