ਬੀ.ਸੀ. 'ਚ ਫਰੇਜ਼ਰ ਕੈਨੇਅਨ ਦੇ ਕੋਲ ਲੱਗੀ ਵਾਈਲਡਫਾਇਰ ਦਾ ਵਧਿਆ ਫੈਲਾਅ, ਕੁਝ ਥਾਵਾਂ 'ਤੇ ਅੱਗ 'ਤੇ ਕਾਬੂ ਪਾਉਣਾ ਹੋ ਰਿਹਾ ਮੁਸ਼ਕਿਲ

ਬੀ.ਸੀ. ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਫਰੇਜ਼ਰ ਕੈਨੇਅਨ ਇਲਾਕੇ 'ਚ ਲੱਗੀ ਵਾਈਲਡਫਾਇਰ ਦਾ ਫੈਲਾਅ ਹੋਰ ਵਧ ਗਿਆ ਹੈ।

ਜਾਣਕਾਰੀ ਦਿੱਤੀ ਗਈ ਕਿ ਇਹ ਅੱਗ 3.5 ਸਕਵੇਅਰ ਕਿਲੋਮੀਟਰ ਇਲਾਕੇ 'ਚ ਫੈਲ ਚੁੱਕੀ ਹੈ।

ਇਹ ਅੱਗ ਲਿਟਨ ਦੇ ਦੱਖਣ ਵਾਲੇ ਇਲਾਕੇ 'ਚ ਲੱਗੀ ਹੋਈ ਹੈ।

ਸਰਵਿਸ ਦਾ ਕਹਿਣਾ ਹੈ ਕਿ ਜੌਰਜ ਰੋਡ ਦੀ ਵਾਈਲਡਫਾਇਰ ਟੇਢੇ ਅਤੇ ਚੱਟਾਨਾਂ ਵਾਲੇ ਇਲਾਕੇ 'ਚ ਫੈਲੀ ਹੋਈ ਹੈ ਜਿਸ ਦੇ ਕਾਰਨ ਇਸ 'ਤੇ ਕਾਬੂ ਪਾਉਣਾ ਮੁਸ਼ਕਿਲ ਹੋ ਰਿਹਾ ਹੈ।

ਇਹ ਅੱਗ ਬੀਤੇ ਹਫ਼ਤੇ ਬੁੱਧਵਾਰ ਨੂੰ ਸ਼ੁਰੂ ਹੋਈ ਸੀ।

ਸਰਵਿਸ ਦਾ ਕਹਿਣਾ ਹੈ ਕਿ ਇਹ ਅੱਗ ਮਨੁੱਖੀ ਗਤੀਵਿਧੀਆਂ ਕਾਰਨ ਸ਼ੁਰੂ ਹੋਈ ਮੰਨੀ ਜਾ ਰਹੀ ਹੈ ਪਰ ਫਿਲਹਾਲ ਇਸ ਦੀ ਪੁਸ਼ਟੀ ਨਹੀਂ ਹੋਈ ਹੈ।

ਅੱਗ ਦੇ ਕਾਰਨ ਥਾਂਪਸਨ ਨਿਕੋਲਾ ਰੀਜਨਲ ਡਿਸਟ੍ਰਿਕਟ ਅਤੇ ਲਿਟਨ ਫਰਸਟ ਨੇਸ਼ਨ 'ਚ ਕਰੀਬ 10 ਪ੍ਰਾਪਰਟੀਆਂ ਲਈ ਇਵੈਕੂਏਸ਼ਨ ਐਲਰਟ ਜਾਰੀ ਕੀਤੇ ਗਏ ਹਨ।

ਅੱਗ 'ਤੇ ਕਾਬੂ ਪਾਉਣ ਲਈ ਵੱਡੀ ਗਿਣਤੀ 'ਚ ਫਾਇਰਫਾਈਟਰ ਅਤੇ ਹੈਲੀਕਾਪਟਰ ਮੁਸ਼ੱਕਤ ਕਰ ਰਹੇ ਹਨ।

ਬੀ.ਸੀ. ਵਾਈਲਡਫਾਇਰ ਸਰਵਿਸ ਦਾ ਟਵੀਟ:

UPDATE: #BCWildfire crews have made good progress on the George Rd (K70804) wildfire. Fire activity was quiet today; however, it is still burning in inoperable terrain. As temperatures increase throughout the week, crews will continue suppression efforts by ground & air. #Lytton